
Dengdayîna ji bo tûra duyemîn a hilbijartina serokkomariyê dest pê kir

2023-05-28 08:00:19


	NAVENDA NÛÇEYAN - Dengdana ji bo tûra duyemîn a hilbijartinên serokkomariyê saet di 08.00'an de dest pê kir. Dengdayîn dê saet di 17.00'an de bi dawî bibe û dest bi hejmartina dengan bê kirin.&nbsp;

	&nbsp;

	Dengdana ji bo tûra duyemîn a hilbijartinên serokkomariyê saet di 08.00'an de dest pê kir. Li seranserê welêt li 973 navçeyan û 1094 lijneyên hilbijartinê yên navçeyan zêdetirî 191 hezar sindoq hatin danîn û tê payin ku zêdetirî 60 milyon hilbijêrên li nav welêt biçin ser sindoqan. Dengdayîn dê li seranserê Tirkiyeyê saet di 17.00'an de bi dawî bibe.

	&nbsp;

	Dengdêr divê tevî nasnameya xwe an jî belgeyeke ku bi wêne ya bêdudilî cihê nasnameyê bigire dikarin deng bidin.&nbsp;

	&nbsp;&nbsp;

	DENGÊN DERVEYÎW WELÊT

	&nbsp;

	Karê dengdanê yê ji bo nêzî 3 milyon û nîv dengdêrên li derveyî welat, li 73 welatan û 151 nûnertiyên derveyî welat di 24'ê Gulanê de bi dawî bûbû. Lê dê dengdan îro heya saet 17.00'an jî li deriyên gumrukê bidome.&nbsp;

	&nbsp;

	Dengên derveyî welêt jî dê saet piştî 17.00'an tevî dengên li welêt bên hejmartin.

	&nbsp;

	NAMZET

	&nbsp;

	Di hilbijartinê de du namzet hene; namzetê serokkomariyê yê Tifaqa Miletê Kemal Kiliçdaroglû û namzetê serokkomariyê yê Tifaqa Cumhûrê Tayyîp Erdogan. &nbsp;

	&nbsp;

	&nbsp;