
Newroza Wanê bi tevlibûna sed hezaran dest pê kir 

2024-03-17 12:14:32


	&nbsp;

	WAN - Newroza Wanê bi tevlibûna sed hezaran kesan dest pê kir. Pîrozbahî li quntarê Keleha Wanê tê lidarxistin û dirûşma “Bijî Serok Apo” li qadê olan dide.&nbsp;

	&nbsp;

	Keleha Wanê şahidiya Newrozeke dîrokî dike. Bi sed hezaran kes herikîn qada Newrozê û pîrozbahî dest pê kir. Welatiyên ku ji gelek noqteyên bajar hêj ji saetên serê sibehê ve ber bi qada Newrozê ve herikîn, qad heta devî tije kiriye. Jin bi kiras û fîstanan, zilam jî bi şel û şepikan tev li bûn. Li qada Newrozê dîmenên rengîn derdikevin holê.&nbsp;

	&nbsp;

	Li qadê dirûşmên “Bijî Serok Apo” û “Bijî berxwedana zinandanan” olan dide. Piştî deqeyek rêzgirtinê, bi sed hezaran kesan bi yek dengî dirûşma “Şehîd namirin” berz kirin.

	&nbsp;

	BERTEKA LI DIJÎ TECRÎDÊ

	&nbsp;

	Li ser navê Komîteya Amadekar Ebrû Demîrtepe axivî û wiha got: “Em tecrîdê qebûl nakin. Tu aliyekî exlaqî û însanî yê tecrîdê nîne. Dê gelê me tecrîdê bişikîne.”&nbsp;

	&nbsp;

	Hevserokê DBP’a Wanê Harûn Okay jî di axaftina xwe de wiha got: “Silav ji gelê kurd re ku li dijî zaliman têdikoşe. Silav ji kesên li dijî polîtîkayên tunehesibandinê têdikoşin. Li ser vê xakê gelek êş hatin kişandin û gelê me gelek zilm dît. Lê tevî vê yekê jî em li qadan têdikoşin.”&nbsp;

	&nbsp;

	Bernameya Newrozê bi axaftinên beşdarê din didome.&nbsp;

	&nbsp;