
Newroza Îzmîrê dest pê kir: Em cihên tecrîdkirî hilweşînin

2024-03-17 14:05:18


	&nbsp;

	ÎZMÎR - Newroza Îzmîrê li Qada Gundogdûyê bi tevlibûna hezaran kesan dest pê kir.&nbsp;

	&nbsp;

	Li Îzmîrê hezaran kesên ku Qada Gundogdûyê tije kirin, Newrozê pîroz dikin. Welatiyên serê sibehê li pêşiya cihên kontolê kom bûn, nêzî saetên nîvro ji cihên kontrolê derbas bûn û bi dirûşmên “Bijî Serok Apo”, “Bi can bi xwîn em bi te re ne ey Serok”, “Bê Serok jiyan nabe” û “Jin, jiyan, azadî” derbasî qada Newrozê bûn. Jin cil û bergên herêmî, ciwan bi şal û şepikan di qadê de cihê xwe girtin.&nbsp;

	&nbsp;

	PANKART HATIN VEKIRIN

	&nbsp;

	Welatiyan di Qada Gundogduyê de posterên Denîz Poyraz a di encama êrişeke çekdarî de li avahiyê HDP’a Îzmîrê de hatibû qetilkirin û alên TJA, DEM Partî û hêzên sosyalîst ên çepgiran hilgirtin. Di qadê de pankartên “Bi rihê têkoşîna Kawayê Hesinkar em cihên bitecrîd hilweşînin, bajarên azad, ekolojîk û demokratîk ava bikin”, “Newroz pîroz be” û “Bijî azadî, bimre koledarî” hatin vekirin.&nbsp;

	&nbsp;

	PÎROZBAHÎ DEST PÊ KIR

	&nbsp;

	Girseya kom bûyî govend gerand, dirûşm berz kir û tililî avêt. Pîrozbahiyê Newrozê bi rêzgirtinê dest pê kir.&nbsp;

	&nbsp;

	Bernameya Newrozê dê bi axaftinên Hevseroka Giştî ya Partiya Herêmên Demokratîk (DBP) Çîgdem Kiliçgun Uçar, Berdevkê Kongreya Demokratîk a Gelan (HDK) Cengîz Çîçek û Parlamenterê DEM Partiyê yê Îzmîrê Îbrahîm Akin bidome.&nbsp;