
Rêveberiya Xweseriya Demokratîk agirê Newrozê pêxist

2024-03-17 19:28:23


	&nbsp;

	NAVENDA NÛÇEYAN -&nbsp;Pêkhateyên Rêveberiya Xweseriya Demokratîk a Herêma Bakur û Rojhilatê Sûriyayê agirê Newroza 2024ˊan pêxist û bang li gel kirin ku tev li Newroza ku dê li bajarok, navçe û bajaran were pîrozkirin bibin.&nbsp;

	&nbsp;

	Rêveberiya Xweseriya Demokratîk a Herêma Bakur û Rojhilatê Sûriyeyê bi boneya hatina Newrozê daxuyaniyek da. Gelek kes tev li daxuyaniyê bûn. Hevserokên Meclisa Rêveber a Rêveberiya Xweseriya Demokratîk a Herêma Bakur û Rojhilatê Sûriyeyê Evîn Siwêd û Hisên Osman daxuyanî xwendin.

	&nbsp;

	Di daxuyaniyê de şehîdên di oxira her tim agirê Newrozê pêxistî be de canê xwe daye û gel bi azadî û rûmet bijîn bi bîr anîn.

	&nbsp;

	Rêveberiya Xweser di daxuyaniya xwe de Newroz li tevahî gelê Herêmê, di serî de li malbatên şehîdan, şervanên QSDˊê, Hêzên Ewlekariya Hundirîn pîroz kir û wiha got: “Rêveberiya Xweseriya Demokratîk bi gelê xwe re ye ku nirx û wateyên Newroza rasteqîn bi rêya pêkanîna Hevpeymana Civakî û rizgarkirina xaka Sûriyeyê pêk bîne.”

	&nbsp;

	Di dawiya daxuyaniyê de hat gotin îro agirê Newrozê tê pêxistin û destpêkirina pîrozbahiyên Newroza 2024ˊan li bajar, bajarok û navçeyên kantonên Herêma Bakur û Rojhilatê Sûriyeyê radigihînin û her wiha bang li gel dikin beşdarî Newrozê bin.

	&nbsp;

	Piştî daxuyaniyê agirê Newrozê hate vêxistin û govend hate gerandin.&nbsp;