
‘Tevlibûna Newroza Dêrsimê dê bibe nîşaneya serkeftina hilbijartinê’ 

2024-03-18 09:01:15


	DÊRSIM - Endamê Komîteya Amadekar a Newrozê Îbrahîm Kasûn, anî ziman ku ji bo pîrozbahiyên Newroza ku sibê dê li Dêrsimê bê pîrozkirin amadekarî bi dawî bûne û wiha got: “Tevlibûna zêde ya Newroza Dêrsimê dê bibe nîşaneya serkeftina hilbijartinê.”

	&nbsp;

	Di pêşengtiya Platforma Ked û Demokrasiyê ya Dêrsimê ku Partiya Wekhevî û Demokrasiyê ya Gelan (HDP) jî di nav de ye dê pîrozbahiyên Newrozê bên lidarxistin. Endamê Komîteya Amadekar a Newrozê ku amadekariyên xwe bi dawî kirine Îbrahîm Kasûn, wiha bang li gelê Dêrsimê kir: “Em li Qada Seyît Riza werin gelhev.”

	&nbsp;

	‘LI DIJÎ DEHAQAN AGIRÊ AZADIYÊ YÊ KAWA’YAN’&nbsp;

	&nbsp;

	Îbrahîm Kasûn, bi lêv kir ku li bendê ne ku ji gund û navçeyên Dêrsimê tevlibûneke zêde çêbibe û wiha got: “Ji bo hesreta azadiyê ya gelan û agirê azadiyê yê Kawa’yan ê li dijî Dehaqên zalim gur bikin demekî dirêj e li Dêrsimê em kedeke zêde didin. Di vê çarçoveyê de bi hemû saziyên sivîl ên civakî, partiyên siyasî û pêkhateyên Tifaqa Dêrsimê re xebata vê yekê meşand.”

	&nbsp;

	‘TEVLIBÛN WÊ SERKEFTINA ME YA HILBIJARTINÊ NÎŞAN BIDE’&nbsp;

	&nbsp;

	Kasûn, anî ziman ku desthilata AKP’ê û MHP’ê zexteke pir alî li gelên Tirkiye û Kurdistanê dike û wiha dirêjî da axaftina xwe: “Dêrsim yek ji bajarên ku herî zêde ev polîtîka bandorê lê dikin û zexta herî zêde lê tê kirin e. Ji vî alî ve ji bo hilbijartinên di 31’ê Adarê de bên kirin li cihekî gelekî girîng radiweste û tevlibûneke xurt a li Newroza 19’ê Adarê wê bibe nîşaneya vê yekê. Tevlîbûneke xurt a li Newrozê wê bibe nîşaneya serketina me ya di hilbijartinan de.”

	&nbsp;

	‘LI DIJÎ TECRÎDÊ DÊ BIBE QADEKE BERXWEDANÊ’&nbsp;

	&nbsp;

	Kasûn, bi lêv kir ku dê di Newroza Dêrsimê de peyamên girîng bên dayîn û wiha lê zêde kir: “Beriya her tiştî em pêşbîniya wê dikin ku hesreta gelan a azadiyê wê li qadan diyar bibe. Newroz wê bibe dengê şikandina pêla faşîst a heyî û greva birçîbûnê ya li zindanan. Wê li dijî polîtîkaya tecrîdê bibe qada berxwedanê. Em ê li dijî krîzên pir alî yên li Tirkiyeyê, agirê azadiyê yê li Newrozê gur bikin û têkoşîna xwe bidomînin.”

	&nbsp;

	‘DIVÊ EM BI HEV RE BIN Û JI PERGALÊ RE BIBIN BERSIV’&nbsp;

	&nbsp;

	Kasûn ê bang li dêrsimiyan kir ku bên Qada Seyîd Riza, axaftina xwe wiha bi dawî kir: “Li dijî faşîzmê pêdivî bi têkoşîneke civakî heye. Dêrsim bajarekî ku di dîroka Komarê ya sed salî de rastî komkujiyan hatiye, gundên wê hatine valakirin û hatiye sirgunkirine. Ji ber Dêrsim bajarekî elewiyan e, ji ber nasnameya xwe divê li dijî polîtîkayên pergalê yên tirkparêz û sunî divê bibe yek, bi hev re tevbigere û têkoşîna xwe li qada Newrozê bilind bike. Em ji pergalê re bibin bersivek.”

	&nbsp;

	MA / Firat Can Arslan

	&nbsp;