
Beyoglû di nelirêtiyê de sînoran nas nake: Îcar jî endama meclisê ya AKP’î girt kar 

2024-03-18 10:22:05


	&nbsp;

	AMED -&nbsp;Huseyîn Beyoglû ji roja tayînî Şaredariya Rezanê hatiye kirin heta niha bi nelirêtî û sûcên krîmînal di rojevê de ye. Beyoglû, îcar jî Seroka Baskê Jinan a AKP’ê û endama meclisê Guzel Kizoglû girt şaredariyê.&nbsp;

	&nbsp;

	Partiya Demokratîk a Gelan (HDP) di hilbijartina 31’ê adara 2019’an de Şaredariya Rezan a Amedê bi rêjeya ji sedî 71 bi dest xist. Lê belê Lijneya Hilbijartinê ya Bilind (YSK) Huseyîn Beyoglû yê AKP’î tayînî şaredariyê kir. Beyoglû, di nelirêtî û torpîlê de tu sînorên etîkê nas nake. Beyoglû ku şaredarî veguherandiye çewlika malbata xwe, çendek hefte berê dişa xwe Denîz Gurdegîr kiribû cîgira şaredar, kurê xwe Mûstfa Beyoglû girtibû kar û niha jî Seroka Baskê Jinan a AKP’ê û endama Meclisa Şaredariya Rezanê Guzel Kizoglû weke karker girt şaredariyê.&nbsp;

	&nbsp;

	Bi nivîsa ku Beyoglû di 19’ê kanûna 2023’yan de ji Wezareta Hawirdor, Bajarvanî û Guherîna Avhewayê re şandî re xwest Guzel Kizoglû weke Midûra Nivîsgeha Taybet were tayînkirin. Beyoglû xwe li benda bersiva wezaretê negirt û Kizoglû li Şîrketa Lîmîted a Personelan a Şaredariyê girt kar.&nbsp;

	&nbsp;

	Hat zanîn ku ji bo Kizoglû dest bi kar bike, çar roj berê (di 14’ê adarê de) ji endamtiya meclisê îstîfa kiriye.&nbsp;

	&nbsp;

	Hêjayî bibîrxistinê ye ku derheqê Beyoglû de ji ber nelirêtî, bertîl û gelek sûcên din ên krîmînal doz hatine vekirin û ev doz hêj didomin.&nbsp;

	&nbsp;

	MA / Mujdat Can&nbsp;

	&nbsp;