
Bi lêdanê hate binçavkirin û girtin 

2024-03-18 16:30:51


	&nbsp;

	MÊRDÎN - Welatiyê bi navê Nezîr Îlek bi hinceta biryara teqezbûyî ya girtinê li Mêrdînê hate binçavkirin. Îlek ku derxistin dadgehê, hate girtin.&nbsp;

	&nbsp;

	Îro di danê nîvro de polîsan li navçeya Şemrexê ya Mêrdînê bi ser mala endamê Partiya Demokratîk a Gelan (HDP) Nezîr Îlek û xizmên wî de girtin. Hat zanîn ku derheqê Îlek de biryara teqezbûyî ya girtinê heye û di dema serdegirtinê de Îlek û endamên malbatê ji hêla polîsan ve hatin derbkirin.&nbsp;

	&nbsp;

	Polîsan di dema lêgerînê de alav û amûrên malbatê belav kirin û Îlek birin Midûriyeta Emniyetê ya Navçeyê.&nbsp;

	&nbsp;

	Piştî karûbarên li emniyetê, Îlek birin edliyeyê û bi biryara dadgehê hate girtin û şandin girtîgehê.&nbsp;

	&nbsp;