
Kesên di têkoşîna azadiyê de jiyana xwe ji dest dayîn nehatin jibîrkirin

2024-04-10 13:35:29


	NAVENDA NÛÇEYAN - Di roja ewil a Cejna Remezanê de li gelek bajaran gorên kesên di têkoşîna azadî û demokrasiyê de jiyana xwe ji dest dayîn hatin ziyaretkirin. Her wiha cejna malbatên girtiyan hatin pîrozkirin.&nbsp;

	Bi boneya Cejna Remezanê li gelek bajara gorên kesên di têkoşîna azadî û demokrasiyê de jiyana xwe ji dest dayîn û malbatên girtiyan hatin ziyaretkirin.&nbsp;

	&nbsp;

	STENBOL

	&nbsp;

	Bi pêşengtiya Komeleya Alîkarî û Piştevaniya bi Malbatên Xizmên Xwe Windakirin re ya Anatoliyayê (ANYAKAY-DER) gorên kesên di têkoşîna azadî û demokrasiyê de jiyana xwe ji dest dayîn ên li Goristana Gazî ya li navçeya Sûltangazî ya stenbolê hatin ziyaretkirin. Aktîvîstên Tevgera Jinên Azad (TJA), Partiya Herêmên Demokratîk (DBP), Komeleya Alîkarî û Piştevaniya bi Malbatên Girtî û Hikûmxwaran re ya Marmarayê (MATUHAY-DER), Hevseroka DEM Partiyê ya Stenbolê Gonca Yangoz, rêveberên navçeyan û gelek kes tev li bûn.&nbsp;

	&nbsp;

	Ziyaretvan li Weqfa Perwerde û Çandê ya Gaziyê (CEMEVÎ) kom bûn û weqf ji saetên zû yên serê sibehê ve ji hêla polîsan ve hate dorpêçkirin. Girseyê ji ewil cejna hev pîroz kir û piştre ber bi Goristana Gaziyê ve meş li dar xist. Girse bi dirûşma “Şehîd namirin” kete goristanê. Li ser goristanê ji ewil deqeyek rêz hate girtin û piştre jî dua hatin kirin.&nbsp;

	&nbsp;

	'HETA JI KÊLÊN GORÊN ŞEHÎDÊN ME JÎ DITIRSIN’&nbsp;

	&nbsp;

	Hevseroka ANYAKAY-DER’ê Emîne Arslan li ser gorên kesên di komkujiyên Pirsûs û Gara Enqereyê de jiyana xwe ji dest dayîn axivî û wiha got: “Şehîdên me rûmeta me ne. Tehemûla kêlên şehîdên me jî nakin ku li Lice û Pirsûsê kêlên wan texrîb kirin. Ji ber ku ji wan kêlan jî ditirsin.”&nbsp;

	&nbsp;

	'JI BILÎ TÊKOŞÎNA HEVPAR TU RÊYÊN ME NÎNIN’

	&nbsp;

	Hevseroka DEM Partiyê ya Stenbolê Gonca Yangoz jî wiha got: “Em rêhevalên xwe yên ji bo azadiya gelan ketine rê, dayikên laçikspî yên daxwaza aştiyê dikin û rêhevalên xwe yên li girtîgehan li ber xwe didin silav dikin. Em soza mezinkirina têkoşînê didin wan. Ji bilî têkoşîna hevpar, tu rêyên me nînin.”&nbsp;

	&nbsp;

	Herî dawî jî beşdaran qurnefîl danîn ser goran.&nbsp;

	&nbsp;

	COLEMÊRG

	&nbsp;

	Rêveberên Rêxistina DEM Partiyê ya Colemêrgê, hevşaredarên bajar û gelek partiyî bi boneya Cejna Remezanê çûn serdana Goristana Serê Solan a li Taxa Tekserê û li ser gorên kesên di têkoşîna azadî û demokrasiyê de jiyana xwe ji dest dayîn dua xwendin.&nbsp;

	&nbsp;

	Li Geverê jî goristanên li Bajergeh û Taxa Ormanê hatin ziyaretkirin. Rêxistina DEM Partiyê ya navçeyê û hevşaredarên navçeyê piştî ziyareta goristanan, cejan welatiyan pîroz kirin.&nbsp;

	&nbsp;

	EDENE&nbsp;

	&nbsp;

	Rêveberên Komeleya Piştgirî û Piştevaniya bi Malbatên Xizmên Xwe Windakirin re ya Akdenîzê (AYKAYDER) û Komeleya Piştgirî û Piştevaniya bi Malbatên Girtî û Hikûmxwaran re ya Akdenîzê (AATUHAY-DER) bi boneya Cejna Remezanê çûn serdana malbatên di têkoşîna azadî û demokrasiyê de jiyana xwe ji dest dayîn. Di serdanan de cejna malbatan hate pîrozkirin.&nbsp;

	&nbsp;

	'BILA TECRÎD BÊ RAKIRIN’

	&nbsp;

	Di serdanê de ji xizmên girtiyan Siyasî Arslan got ku keça wê Fatma Arslan di girtîgehê de ye û niha ji bo azadiya fîzîkî ya Rêberê PKK’ê Abdullah Ocalan çalakiyê dike. Arslan, di serî de Abdullah Ocalan, cejn li hemû girtiyên siyasî û gelan pîroz kir û xwest cejn bibe wesîleya rakirina tecrîdê û aştiyê.&nbsp;

	&nbsp;

	MÊRSÎN

	&nbsp;

	Rêveberên Komeleya Alîkariya bi Malbatên Girtî û Hikûmxaran re ya Çukurovayê (Çukurova TUAY-DER) û Komeleya Piştgirî û Piştevaniya bi Malbatên Xizmên Xwe Windakirin re (ÇUTUAY-DER) jî bi boneya cejnê çûn serdana malbatên kesên di têkoşîna azadî û demokrasiyê de jiyana xwe ji dest dayîn û malbatên girtiyan. Di serdanan de cejna malbatan hat pîrozkirin.

	&nbsp;

	AMED

	&nbsp;

	
		Komeleya Alîkarî, Piştevanî, Yekitî û Çandê ya bi Malbatên di Dergûşa Şarastaniyê de Xizmên Xwe Winda Kirine re (MEBYA-DER) û heyeta pê re li Goristana Yenîkoyê ya Amedê gorên kesên di têkoşîna azadî û demokrasiyê de di dîrok û cihên cuda de jiyana xwe ji dest dane ziyaret kirin.
	
		&nbsp;
	
		Di bîranîna cejnê de ku bi deqîqeyek rêzgirtinê destpê kir Hevserokê MEBYA-DER'ê Mehmet Emîn Kiliç, kesên li Goristana Yenîkoyê radizên bi bîr anî. Kiliç, diyar kir ku ew deyndarên kesên di têkoşîna azadiyê de jiyana xwe ji dest dane ne û got, “Heke van kesan canê xwe feda nekirana, hêzên tarî wê ev jiyan ji me re bikirana zindan. Em ê heta dilopa xwîna xwe ya dawî têkoşîna wan bidomînin.”,
	
		&nbsp;
	
		Serdana goristanê piştî duayan bi dawî bû.&nbsp;
	
		&nbsp;