
Kolberek hate qetilkirin kolberek jî winda ye

2024-04-18 11:00:10


	NAVENDA NÛÇEYAN - Di êrişa hêzên pergala Îranê de kolberekî jiyana xwe ji dest da û ji kolberekî jî agahî nayê wergirtin.&nbsp;

	&nbsp;

	Rêxistina Mafê Mirovan a Kurdistanê ragihand ku duh li sînorê Tete ya Hewramanê komeke kolberan ketine kemîna hêzên pasdarên rejîma Îranê û di encama êrişê de kolberek hatiye qetilkirin.

	&nbsp;

	Kolberê ku di encama êrişa hêzên Îranê de jiyana xwe ji dest dayî bi navê Seywan Destefken ku xelkê gundê Derepemeyanî yê Merîwanê ye.

	&nbsp;

	Her wiha hêzên rejîma Îranê li sînorê Bane yê Rojhilatê Kurdistanê jî êrişî komeke kolberan kirin û di encamê de kolberê bi navê Mihemed Rehîmî yê xelkê bajarê Seqîz winda bû û agahî jê nayên wergirtin. Hate diyarkirin ku di dema gulebarana hêzên Îranê ya ser kolberan de, Mihemed Rehîmî ji hevalên xwe qut bûye û zêdetirî 2 rojane agahî jê nayê girtin.

	&nbsp;

	Hêjayî gotinêye ku di nava ji mehekê kêmtir de 5 kolber li sînorên Rojhilatê Kurdistanê di encama êriş û gulebarana hêzên rejîma Îranê de hatine kuştin û 5 kolberên din jî di encama buyerên serma, ketina xwarê û krîza dil de jiyana xwe ji dest dane. Her wiha zêdetirî 40 kolber jî di nava vê demê de birîndar bûne.

	&nbsp;