
Der barê Şaredariya Sûrê de lêpirsîn hate destpêkirin

2024-04-20 16:10:52


	&nbsp;

	AMED - Piştî ku şaredariyên bajarên mezin ên Amed û Mêrdînê Şaredariya Sûrê jî hedef hate girtin. Wezîrên AKP’î û berdevkê partiyê Omer Çelîk li ser hesabên xwe yên medyaya dîjîtal şaredarî hedef girtin.&nbsp;

	&nbsp;

	Piştî ku encamên hilbijartinên herêmî yên 31’ê Adarê desthilata AKP’ê û MHP’ê keyfxweş nekir, dest bi hedef nîşandana şaredariyên ku Partiya Wekhevî û Demokrasiyê ya Gelan (DEM Partî) bi dest xistin û ji qeyûman girtin hate kirin.&nbsp;

	&nbsp;

	Piştî ku li ser hesabên medyaya dîjîtal hesabên trol ala tirk û sirûda îstîklalê weke hincet nîşan dan û şaredariyên DEM Partiyê hedef girtin û ji şaredariyên bajarên mezin ên Amed û Mêrdînê re mufetîş hatin şandin bi heman hincetan ji Şaredariya Sûrê re jî mufetîş hatin peywîrdarkirin.&nbsp;

	&nbsp;

	Wezîrê Karên Hundir Alî Yerlîkaya li ser hesaba xwe ya dîjîtal medyayê de da zanîn ku rêveberên DEM Partiyê piştî merasîma mazbatayê ya Şaredariya Sûra Amedê heqaret li wêneyê Ataturk û Serokkomar Tayîp Erdogan kirine û mufetîş hatiye peywîrdarkirin.&nbsp;

	&nbsp;

	Wezîrê Dadê Yilmaz Tûnç jî li ser X’yê daxuyanî da ragihan ku têkildarî Şaredariya Sûrê lêpirsîn hatiye destpêkirin.&nbsp;

	&nbsp;

	BERDEVKÊ AKP’Ê ÇELÎK ŞAREDARÎ HEDEF GIRT

	&nbsp;

	Berdevkê AKP’ê Omer Çelîk ê ji nelirêtiyên qeyûman re bêdeng ma, li ser hesaba xwe ya medyaya dîjîtal a X’yê şaredariyên DEM Partiyê hedef girtin. Çelîk di parvekirina xwe de diyar kir ku nêzîkatiya rêveberên DEM Partiyê ya li dijî Ataturk, Serokkomar Tayîp Erdogan, ala tirk û sirûda wan a îstîklalê nayê qebûlkirin.

	&nbsp;