NAVENDA NÛÇEYAN - Îsraîlê li dijî paytexta Lubnanê Beyrûdê êrişên hewayî kir û di êrişan de 7 kesan jiyana xwe ji dest dan û 21 kes jî birîndar bûn. 

 

Êrişên Îsraîlê yên li dijî Lubnanê berdewam in. Îsraîlê, bi balafirên şer êrişî herêmên Dahiye û Remle Beyda yên paytext Lubnanê. Wezareta Tenduristiyê ya Lubnanê da zanîn ku di encama êrişên ser herêma Remle Beydayê de 7 kesan jiyana xwe ji dest dane û 21 kes jî birîndar bûne. 

 

Li gorî çapemeniya Lubnanê, artêşa Îsraîlê di saetên şevê de êrişî maleke li herêma Armunê ya li başûrê Beyrûdê kir. 

 

Îsraîlê, di 2’yê Adarê de bi daxuyaniyekê ragihand ku wan tesbît kirine ku ji Lubnanê moşek hatiye avêtin û piştre jî êrişên hewayî ragihandibû. Wezareta Tenduristiyê ya Lubnanê, da zanîn ku ji 2’yê Adarê heta niha di êrişên Îsraîlê de 634 kesan jiyana xwe ji dest dane û hezar û 586 kes jî birîndar bûne.