AMED - Berdevka Meclisa Jinan a HDP’ê Ayşe Acar Başaran diyar kir ku qeyûm li dijî îradeya jinan û destekftiyên wna êrişan pêk tînin û divê ew bi têkoşînek hevpar destkeftiyên xwe biparêzin.
Desteya Rêveberiya Xwecihî ya Demokratîk a Partiya Demokratîk a Gelan (HDP) bi mijara “Rûxandinên qeyûm di qada jinan de û avakirina xeta têkoşîna hevpar" li Şanoya Bajêr a Amedê panel li dar xist. Berdevka Meclisa Jinan a HDP’ê Ayşe Acar Başaran û gelek jin tev li panele bûn.
Hevseroka Sendîkaya Hemû Şaredarî û Rêveberiyên Herêmî (Hemû Bel-Sen) a Şaxa Amedê Nîhal Yanîk, Koordînatora Navenda Lêkolînên Siyasî û Civakî (SAMER) Yuksel Genç, Hevseroka berê ya Şaredariya Akdenîza Mêrsînê Yuksel Mutlu, endama Lijneya Rêveberiya Komeleya Jinan a Rosa parêzer Elîf Tirenç Îpek Ulaş, ji Komeleya Mafên Mirovan a Jinan Zelal Ayman û ji Şanoya Bajêr a Amedê Elvan Koçer jî wek axiverên panele amade bûn.
Hevseroka Giştî ya DBP’ê Salîha Aydenîz, aktîvîstên Tevgera Jinên Azad (TJA) û gelek jin di panelê de amade bûn.
Berdevka Meclisa Jinan a HDP’ê Ayşe Acar Başaran axaftina destpêkê ya panele kir û diyar kir ku ew ji sala 2016’an ve dibin şahide rûxandina qeyûman a li bajarên bakurê Kurdistanê û qeyûman şaredarî veguherandiye qereqol û hêlîna rantê û qada îktidarê kul ê bertîlê bixwin.
PERSPEKTÎFA TEMSÎLIYETA WEKHEV
Başaran anî ziman ku lazim e ku qeyûm bi berfirehî bên nîqaşkirin û wan ji sala 2014’an ve li şaredariya modela hevserokatiyê xistine meriyete û bi temsîlyeta wekhev di rêveberiyên xwecihî de bû azmûna yekemîn. Başaran destnîşan kir ku karê ewil ê qeyûman ew bû ku sazî û dezgehên jinan bigirin û hemû xebat û saziyên jinan kirin armanca xwe û xwestin bi vê yekê saziyên jinan û jinan bikin hedefa îktidarê.
‘QEYÛM ÊRIŞA LI DIJÎ ÎRADEYA GELÊ KURD E’
Başaran anî ziman ku bi tayînkirina qeyûman û midûrên zilam re li şaredariyan feraseta serdest a zilam bicih kirine û got: “Dixwazin jin li ber dewlet û îktidarê serê xwe bitewînin. A rast bi tayînkirina van qeyûman û midûrên xwe dixwazin li ser îradeya jinan û temsîlyeta wekhev êrişan pêk bînin û ji holê rakin. Me li gorî pêdiviya jinan bi perspektîfa xizmetê hereket dikir. Lê niha ew xizmet ji wê perpektîfê gelek dûr e. Niha em bi rejîma qeyûm ku qet îradeya jinan nas nake û tune dihesibîne re rûbirû ne. Em ji roja ewil ve dibêjin qeyûm li dijî îradeya gel, îradeya mafê hilbijartinê û gelê kurd êriş e. Her wiha qeyûm li dijî îradeya jinan û îradeya veguherînê jî êriş e. Divê em destkeftiyên jinan ên hevpar biparêzin. Îktidar hin bêtir bi awayek tund destkeftiyên me tune dike. Divê em bi têkoşînek hevpar destkeftiyên xwe û bo siberoja xwe bixebitin. Em dikarin bi têkoşînek hevpar destkeftiyên xwe biparêzin.”
Panel bi axaftina axiverên din berdewam dike.