Li îzmîrê 5 jin hatin berdan  

2023-06-08 18:43:28


	 

	ÎZMÎR- 5 jinên ku bi "endamtiya rêxistinê" dihatin tawanbarkirin û ji 24'ê Adarê ve girtî bûn, di danişîna ewil de hatin berdan. 

	 

	Endama Lijneya Rêveber a Navendî ya Partiya Demokratîk a Gelan (HDP) Îdîl Ûgûrlû, Dayika Aştiyê Behiye Yalçin, Selma Demîr, Hayat Îzgî û Newroz Çelîk di 24'ê Adarê de li Îzmîrê hatibûn binçavkirin û paşê bi îdiaya "endamtiya rêxistinê" hatibûn girtin. Danişîna ewil a dozê îro li Dadgeha Cezayê Giran a 20'an a Îzmîrê hat lidarxistin. Lê ji ber ku hêwana dadgehê biçûk bû, danişîn li hêwana Dadgeha Cezayê Giran a 13'an a Îzmîrê hat lidarxistin. Jinên girtî û parêzerên wan, rêveberên HDP'ê, malbatên girtiyan û gelek welatî tevlî dnaişînê bûn. 

	 

	Kesên girtî bi şertê mehê carekê îmzeyê bidin û bi şertê qedexeya derketina derveyî welêt hatin berdan.