
Meclisa Ciwanan a HEDEP’ê li Edeneyê bi ciwanan re civiya 

2023-12-03 16:02:19


	&nbsp;

	EDENE - Meclisa Ciwanan a HEDEP’a Edeneyê bi ciwanên bajar re hevdîtin kir.&nbsp;

	&nbsp;

	Meclisa Ciwanan a Partiya Wekhevî û Demokrasiyê ya Gelan (HEDEP) a Edeneyê li avahiya partiyê ya navçeya Seyhanê bi ciwanan re civiya. Li gel ciwanan, her wiha endamên Meclisa Dayikên Aştiyê, aktîvîstên Tevgera Jinên Azad (TJA) û Parlamenterê HEDEP’ê yê Mêrsînê Alî Bozan jî tev li bû.&nbsp;

	&nbsp;

	Bozan di hevdîtinê de bal kişand ser tecrîda li ser Rêberê PKK’ê Abdullah Ocalan û da zanîn ku çalakiya greva birçîbûnê ya dorveger a girtiyên siyasî di roja 7’an de didome. Bozan, diyar kir ku divê her kes bibe dengê girtiyan û tev li çalakiyan bibe. Bozan, wiha domand: “Divê em dengê wan li her çar aliyên Tirkiye û Kurdistanê belav bikin.”&nbsp;

	&nbsp;

	Bozan, qala rola Abdullah Ocalan a di çareserkirina pirsgirêka kurd de jî kir û da zanîn ku navnîşana çareseriyê Girava Îmraliyê ye.&nbsp;

	&nbsp;

	Hevdîtin, bi gerandina govendê bi dawî bû.&nbsp;

	&nbsp;