Îran, bi qanûnên çêkirine, di demeke wiha de ku şerê DYA'yê berdewam dike, dest datîne ser mal û milkên welatiyan. Serdozgerê Urmiyê Nasir Etebatî ragihand ku fermana destdanîna ser mal û milkên 129 kesan li Urmiyê hatiye dayîn. Kesên ku mal û milkên wan hatine desteserkirin bi dijberiya rejîmê tên tawanbarkirin. Duh, mal û milkên 51 kesan li Yezdê hatibûn desteserkirin û di destpêka vê hefteyê de, li Hemedanê yên 47 kesan û li Qumê jî yên 3 kesan hatibûn desteserkirin. 

 

Li gorî daneyên di çapemeniyê de, ji dema ku qanûn ketiye meriyetê heya niha, herî kêm mal û milkên 630 kesan hatine desteserkirin. Rejîmê bi tohmetên wekî "sîxurî" û "çalakiyên li dijî dewletê" dest danî ser mal û milkên welatiyan.