Encamnameya konferansa jinan a HDP'ê: Em xwe bi rêxistin dikin û serhildana xwe mezin dikin

  • rojane
  • 12:12 24 Gulan 2022
  • |
img
NAVENDA NÛÇEYAN - Meclisa Jinan a HDP'ê, di encamnameya konferansa xwe de diyar kir ku li dijî îstismara jinan, şer, dagirker û polîtîkayên şerê taybet xwe bi rêxistin dikin û serhildana xwe mezin dikin.
 
Meclisa Jinan a Partiya Demokratîk a Gelan (HDP) di navbera 21-22’yê gulanê de li Enqereyê 4’emîn Konferansa xwe ya Asayî bi dûrişmeya "Em di azadiyê de bi israr in, di têkoşînê de bi biryar in" li dar xistibû. Meclisê encamnameya konferansa xwe bi daxuyaniyeke nivîskî bi kurdî û tirkî ji raya giştî re ragihand. Di encamnameyê de hat destnîşankirin ku AKP-MHP li dijî hemû hêzên muxalîf zextan zêde dike û ji bo dirêjkirina emrê xwe li dijî civakê û jinan di siyaseta bêçareseriyê de israr dike û li dijî xwe bi rêxistin dikin û serhildana xwe mezin dikin.
 
Encamnameya konferansê wiha ye: 
 
"4’emîn Konferansa Asayî ya Jinan, bi dirûşmeya “Em di Azadiyê de Bi Israr, Di Tekoşînê de Bi Biryar in” di navbera 21-22’ê Gulana 2022’yan de li Enqereyê bi tevlîbûneke xurt, bi kelecanî û hêviyeke mezin hat lidarxistin. Me şehîda qetlîama Pirsûsê Ferdane Kiliç di têkoşîna xwe de bi bîr anî. Em di 158’emîn salvegera komkujiya gelê Çerkes de kesên hatin qetilkirin bi bîr tînin û êşa wan parve dikin. Konferansê em bi  hemû cudahî û rengên me anîn cem hev. Konferansê bibîranîna jinên ku zilam-dewletê ew qetil kirine dest pê kir. Em konferansa xwe di şexsê Denîz Poyraz û Aysel Dogan de diyarî hemû jinan dikin ku têkoşîn kirine armanca xwe. 
 
TECRÎD
 
Îro li cîhanê texrîbata ku pergala mêrê serdest û kapîtalîst dayî avakirin di qada siyasî, aborî, ekolojîk û cîvakî de qeyranên kûr hene. Şerê ku navenda wê Rojhilata Navîn û Kurdistan e piştî ku Rûsyayê Ûkrayna dagir kir, kete qonaxeke din. Ev şer bi destê desthilatdarên cihanê û herêmî li dijî fikrê têkoşîna azadiya jinan tê meşandin. Li erdnîgariya ku em dijîn tifaqa faşîşt a AKP-MHP’ê li dijî hemû hêzên muxalîf zextan zêde dike. Dîsa ji bo ku emrê desthilatdariya xwe dirêj bike li dijî civakê û jinan di siyaseta bêçareseriyê de israr dike. Di pirsgirêka kurd de çareseriya demokratîk bi polîtîkayên înkar, tunekirin û bişaftinê tune dihesibîne. Tecrîda li ser birêz Ocalan giran dike. Bi tevgerên dagirkeriyê şer gur dike. Bi vî halî pirsgirêka kurd bêçareserî dihêle. 
 
Di dozên Kobanî û Geziyê de û dîsa doza ku ji bo girtina partiya me vekirine destpêkê jinan didin darizandin û dixwazin têkoşîna civakî bin pê bikin. Êrişên ku li hemberî têkoşîna jinan, xwezayê, kedê û dînamîkên civakî tên kirin bêrevabûna desthilatdariyê dide nîşandan. Desthilatdarî, ol ji bo xwe dike amûr û bi polîtîkayên yekalî, zayendperestî û mîlîtarîst dixwaze hemû destkeftiyên jinan ji holê rake. Zexta zilam a li ser jinan reva dike û jinan li ser mafên jiyana wan tehdîd dike. Jinan rasterast dike hedefa zextên dewletê û di her qada jiyanê de dixwazin wan bêdeng bikin. Desthilatdar jiyaneke li gorî xwe li ser jinan ferz dike, mudaxeleyê jiyana wan dike û li ser beden û hebûna jinan hemû qadên jiyanê dorpêç dike. 
 
EM LI BER XWE DIDIN
 
Em li her qadê li ber xwe didin û xwe bi rêxistin dikin
 
Li gel van êriş, gef û tundiyê, em dizanin hêza ku qeyrana îktîdar dijî derdixe holê, di heman demê de hêza me ya xweser a berxwedan û serhildana dîrokî ya jinan e. Em li dijî rejîma otorîter a mafê me xesb dike, li her qadê li ber xwe didin. Em xwe bi rêxistin dikin û serhildana xwe mezin dikin. 
 
* Em hewl didin ku bibin dengê jinên bi tundiya mêr-dewletê hatine qetilkirin. Em li salonên dadgehan, li qad û kolanan dest ji daxwazên xwe yên “Ne edaleta mêr, edaleta rastîn” bernadin. 
 
* Ji bo Peymana Stenbolê ya hat fesihkirin, dîsa çalak bibe û têkeve meriyetê em têkoşîna xwe mezin dikin. 
 
* Yek ji destkeftiyên têkoşîna jinan a herî giring pergala hevserokatiyê ye. Em li dijî êrişên nûnertiya pergala Hevserokatiyê, rêgezên xwe û hişmendiya qeyûm a vîna me tune dihesibîne têdikoşin. Em bêtir xwe bi rêxistin dikin.
 
* Em li dijî kesên ku kepçeyan li xwezaya me, çem û daristanên me dixin û dîroka me wêran dikin, têkoşîna xwe ya ekolojîk berdewam dikin û dengê xwe bilind dikin. 
 
* Em li dijî kesên ku li mal, kargerî û her qadên jiyanê keda me dixwin û her roj bêtir me xizan dikin, me bêcih û war dihêlin, me bêpêşeroj dihêlin; em dibêjin “ked ya me ye, siberoj ya me ye” û jiyana nû ava dikin.
 
* Em li dijî kesên ku li ser nasname, beden û cudahiyên me, li ser terza jiyana me, me ji hev cuda dikin, em dibin yek û têkoşîna xwe xurt dikin. 
 
* Em li dijî koçberiya bi zorê û dorpêçê, li dijî şer û dagirkeriyê têkoşîna xwe mezin dikin. Em têkoşîn û piştevaniya jinan a enternasyonal xurt dikin.
 
* Em dibin dengê jinên di doza Gezî û Kobaniyê de hatin girtin. Em dibin dengê, Emîne Şenyaşar,  Gulistan Doku û hemû jinên ji bo Nobeda Edaletê têdikoşin. 
 
* Em li dijî aqilê dewletê yê êrişî gorên me û cenazeyên me dikin derdikevin. Em li dijî aqilê dewletê yê dixwaze me bêhiş û bîr bihêle dengê xwe bilind dikin. 
 
Me ji hemû tecrubeyên xwe yên jiyan û têkoşînê hêz girt. Me di konferansa ku 2 rojan dewam kir de; rexneyên kir û rexnedayîna xwe da. Me bi awayekî berfireh rewşa rêxistinbûna xwe nirxand. Me li ser giringî û rêbazên têkoşîna eniya jinan niqaş kir. Me careke din biryar da ku meşa azadiya jinan mezin bikin û hêza rêxistinkirina jinan xurt bikin. 
 
PEYAMÊN MEZINKIRINA XETA SÊYEMÎN
 
Li gorî vê yekê encama nîqaşên 4’emîn Konferansa Jinan a Mezin;
 
Em ê Siyaseta Xeta Sêyemîn Mezin Bikin
 
Li dijî îqtîdarên mêrên serdest ên kapîtalîst ku xwe ji şer, krîz û tundiyê xwedî dikin, em ê têkoşîna rêxistinkirin û civakîbûnê ji bo xwe bikin bingeh û bidomînin. Em dizanin ku pergal “Du rêyên” ji bo gelan şer, krîz, nijadperestî û serdestiya mêr pêş dixe, wekî çareserî cuda nîşan dide. Lê herdu rê jî, ji me re demokrasî, azadî, aştî, edalet û wekheviyê naîne. Ji ber vê yekê em ê siyaseta Rêya 3’yemîn mezin bikin. Em jin dê li dijî faşîzmê têkoşînê xurt bikin. Em ê hemû bi hev re Tifaqa Demokrasiyê ava bikin. 
 
Li Dijî Şer Têkoşîna Aştiyê
 
Em ê têkoşîna xwe ya li dijî polîtîkayên şer, dagirkerî, tecrîd û mêtingeriyê, bi têkoşîna jinên cîhanê re bikin yek. Em ê bibin têkoşerên aştiyeke bi hêz û di vê yekê de israr bikin. Em ne bêparastin in. Em hêza xwe ji rêxistinbûn, têkoşîn û piştevaniya xwe digirin. 
 
Destkeftiyên Me Nayên Xesbkirin
 
Em ê ji tundiya mêr a ku îqtîdar jî faîlê wê ye, Peymana Stenbolê, êrişan, desteserkirina mafê nefeqeyê re bêjin bes e. Em ê ji kesên ku dixwazin daraza mêr bibe sazî û serwer bibe û kesên dixwaze îstîsmara zarokan bibe wekî zagon re bêjin “Raweste”. Em ê li dijî êrişên li ser têkoşîna jin, LGBTİ+’yan dengê xwe bilind bikin. 
 
Ked ya Me ye, Siberoj ya Me ye
 
Em ê piştevaniya bi jinan re ya li dijî xizanîkirina jinan, kedxwarî, betal û birçîhiştinê re xurt bikin. Em ê keda xwe ya bi rêxistin heta dawî biparêzin. Li herêman em ê bi jinên ku pêşengên berxwedanê ne piştevaniyê xurt bikin. 
 
Li Dijî Siyaseta Mêr Siyaseta Jinan
 
Li dijî polîtîkayên ku dixwazin siyaseta mêr pêş bixin û jinan li dervê siyasetê bihêlin û li dijî siyaseta bi binçavkirin, girtin û tundiya bi rêk û pêk a dixwazin jinan bêvîn bihêlin, em ê siyaseta jinan bi hêz û xurt bikin. Em ê li her qadê û her demê azadiya jinên girtî biparêzin. 
 
Li dijî Şerê Taybet Têkoşîn
 
Em jin û ciwan dê li dijî polîtîkayên şerê taybet ên ku li dijî bedena jinan, keda jinan û vîna jinan pêş dikeve; têkoşîna xwe xurt bikin û bidomînin. 
 
Em li Fikriyata HDP’ê Xwedî Derdikevin
 
Em ê li dijî doza girtiya partiya me, pelên HDP’ê ya li ser vê axê kok berdaye, bibin bersiva mezinkirin û rengiya pelan. Em ê li fikriyata HDP’ê xwedî derkevin. Em ê biparêzin û mezin bikin. Em ne bêçare ne. Çare em in. 
 
Li Dijî Talankirina Xwezayê û Curekirinê Berxwedan
 
Em ê li dijî talankirina xwezayê û curekirinê, têkoşîna ekolojîk mezin bikin. Em ê bi têkoşîn û hebûna xwe bibin pêşeng. Em ê qadên xwe yên jiyanê radestî rantxur û talankeran nekin. 
 
Em Bîrdoziyên Saxlemparêziyê Hildiweşînin
 
Em li dijî bîrdoziyên saxlemparêz ên îqtîdarê, li çareseriya pirsgirêkên jinên astengdar digerin. Ji bo vê yekê em vê mijarê dikin rojeva siyaseta xwe. 
 
Em Li Dijî Cudakariyê Têdikoşin
 
Ji bo ku em hemû pirsgirêkên ku jinên penaber û koçber dijîn bi riyên demokratîk û sincî çareser bikin, em ê israr bikin. Em ê li dijî cudakarî û kîna li dijî jinan û gelan pêş dixin têbikoşin. 
 
Îdîaya Me Mezin e, Jin Dê Biguherînin! 
 
Em ê bi hêza ku ji mafdariya xwe, dîroka xwe û hemû jinan distînin, jiyana wekhev, azad bi pêş bixin. Ji bo bi vê hêzê piştevaniyê xurt bikin em ê rêxistina xwe mezin bikin. Em bi hêviya tekoşîna ku jin li çar aliyê cîhanê pêş dixin, bi hesta piştevaniyê li vir in û em ê bi hev re bin. Têkoşîna jinan di nava zor û astengiyan de bi pêş ketiye. Vê hêza çareseriya ku em van pirsgirêkan derbas bikin, em ji hebûna partiya xwe û paradîgmaya ku partiya me xwe ji wê xwedî dike digirin. Her gava ku me avêtiye û her destkeftiyên me bi dest xistine bi berdêlên mezin pêk hatine. Em bi bedelên giran bi pêş dikevin. Em jin di ferqa vê yekê de ne. Em ê bi vê zanebûnê jiyana azad û wekhev bi hev re ava bikin. Ya ku HDP’ê bi hêz dike, hêviya gelan e. Heta ku gel hebin û têbikoşin, dê fikra HDP’ê di têkoşîna me ya azad de her tim cih bigire. Wekî Meclisa Jinan a HDP’ê îdîaya me mezin e. Têkoşîna me û berxwedana me mezin e! Em wekî jin û gelên bindest, em xwedî hêza perspektîfeke xurt in ku em îqtîdarê dorpêç bikin. Berxwedana jinan heye. Hêza me ya guhertinê heye. Em ê biguherînin, Jin dê biguherînin! 
 
BIRYARÊN KONMFERANSÊ
 
Delegasyona Konferansa me biryarên ku di serdema nû de xetên têkoşîna me diyar bike girtin. Biryarên di konferansê de hatin girtin wiha ne; 
 
* Di bin baneyê Meclisa Jinan a HDP’ê de dê Komîsyona Ekolojiyê ya Jinan bê avakirin, 
 
* Li dijî xizaniya jinan û kedxwariya jinan dê têkoşîn bê dayin,  
 
* Li dijî şer, dagirkerî û polîtîkayên şerê taybet, dê têkoşîn bê mezinkirin û xurtkirin, 
 
* Dê piştevaniya jinên penaber û koçer bê mezinkirin,  
 
* Dê Meclisên Jinên Ciwan bê avakirin, 
 
* Dê akademiyên jinên siyasetmedar bên avakirin, 
 
* Dê polîtîkayên astengdaran ên xweser û adil bên bipêşxistin,  
 
* Biryar hat dayîn ku pergala Hevserokatiyê û alternatîfa jiyana azad û wekhev bê bipêşxistin. 
 
* Ji bo têkoşîna hevpar dê li dijî faşîzmê, têkoşîna jinan bê mezinkirin, 
 
* Di têkoşîna li dijî tundiya li ser jinan de, dê destkeftiyên jinan bên parastin, 
 
* Ji bo azadiya jinên girtî yên siyasî ku parastina rewa dikin, dê têkoşîn bê bipêşxistin. 
 
Em di azadiyê de bi israr, di têkoşînê de bi biryar in!"
 
 
 

Sernavên din

02/10/2025
23:49 Jinên êzidî bersiva peyama Ocalan dan: Têkoşîna me xurttir bû
23:21 Meşvanên jin li Xelfetiyê kargeh li dar xistin
17:03 Meşvanên jin li Xelfetiyê ne: Azadiya Rêbertiya me xeta me ya sor e
16:55 Di doza Narîn Guranê de 3 kes hatin tehliyekirin
16:54 Hevserokên OHD’ê di komîsyonê de axivîn: Ji bo demokratîkbûnê ‘mafê hêviyê’ girîng e
16:31 Di Behra Marmarayê de erdhej çêbû
16:17 Îtîraza rojnameger Dîcle Muftuoglû hate redkirin
16:06 Tevdîra kontrola edlî ya rojnameger û siyasetmedaran hat rakirin
14:26 Hiqûqnas Gulseren: Divê sererastkirinên mewzûatê bixin rojeva xwe
13:48 Sifreya 300 sal in li Gundikê Melê tê danîn: Tamtamûk
13:27 Jin di ‘Rêya Azadiyê’ de meşiyan
13:17 Hikûmeta demkî êrişî derdora Bendava Tişrînê dike
13:11 Foza Yûsif ji bo meşvanên jin peyam şand: Dema azadiya Rêber Apo ye
12:19 'Em ê pêşniyaran di demekî herî kin de pêşkeşî Lijneya Giştî ya Meclisê bikin’
12:15 Meşvan çûn serdana goristanê: Em minetdarên wan in
11:29 Rojnameger Mûrat Verîm hate berdan
11:23 Îsraîlê êrişî Fîloya Sumudê kir: Zêdetirî 200 kes hatin binçavkirin
11:22 Bi hemû kitekitên xwe pêvajoya komploya navneteweyî
10:34 Ji bo mirina di hucreya yekkesî de biryara neşopandinê dan
10:15 Dîroknasê Fransî Ducange: Têkoşîna hebûnê ya Kurdan jinedîtî ve tê
10:01 Serokê eşîra Ereb Sebxayê El Suhan: Em di nava HSD'ê de ne
10:00 Bandoreke mezin li ser jiyana mirovan kir: Sîxûrên MÎT’ê Nagihan hedef girtin
09:21 'Dubendiya komîteyê hêzê dide kesên bi kêfî hiqûqê binpê dikin'
09:20 Hevseroka KCDK-E'yê Zubeyde Zumrut: Divê dewlet demildest gavên qanûnî biavêje
09:19 Ji ber parvekirina têkildarî Haci Lokman Bîrlîk cezayê hefsê dan
09:04 Welatiyê ku 46 sal in bê 'nasname' ye dê bê dersînorkirin
09:03 Li Serhedê eleqeyeke mezin ji bo kampanyaya 'Ez aştiyê dixwazim ji ber ku' heye
09:01 Golên Arçak û Sixkeyê ziwa dibin
09:00 Ji Çorûmê ew anîn, li Wanê 6 peywiran 'bi rêve dibe'
09:00 ROJEVA 2’YÊ COTMEHA 2025’AN
01/10/2025
17:03 Hevdîtina DEM Partî, MHP, Erdogan û Kurtulmuş bi dawî bû
16:58 Erdogan: Em baş di ferqa wê de ne ku pêvajoyeke hesas e
15:45 DEM Partî, MHP û Erdogan hatin gel hev
15:41 Li Çiyayê Cûdî şewat derket
15:40 Meclisa Şêxmeqsûd û Eşrefiyeyê: Divê hikûmeta demkî sozên xwe bicih bîne
15:31 Jin bi meşaleyan ji Amedê ber bi Enqereyê ve hatin oxirkirin
15:30 Li Cizîrê welatiyek bi lêdanê hate binçavkirin
14:17 Rêxistinên jinên Êzidî têkildarî ‘Şengalê’ Bexda hişyar kir
14:08 Semra Guzel nehat tehliyekirin
13:54 Ji Hondurasê banga ji bo piştevaniya bi gelê Kurd re
12:48 Bakirhan: Em di qonaxeke ku gav bên avêtin de ne, ev qonax dê bibe wêneyê jidilbûnê
12:14 ‘Meşa azadiyê’ ya jinan dest pê kir: Ji b aştiyê li Ocalan guhdarî bikin
11:00 Careke din ceza dan Amedsporê
10:42 Li Herêma Federe ya Kurdistanê krîza ‘hikûmetê’: PDK naxwaze kes bibe şirîkê îktîdarê
10:08 Dîmenên qirkirina daran a li Dorşînê derketin holê
09:58 Welatiyên Erziromê: Divê mafên me bên naskirin
09:42 Li Edeneyê dîwar bi graffîtên Abdullah Ocalan hatin neqişandin
09:23 Ji ber gotina 'Birêz Ocalan' înfaza wî hat şewitandin
09:22 Filoya Sumud: Jo bo mirov tevbigerin ma divê çend zarok bimirin?
09:20 Derhêner Alper: Ji bo çekdanînê divê rêyên siyasetê bên vekirin
09:19 Berteka li dijî bêtehemûliya li dijî Kurdî: Hûn ê çawa meseleya Kurd çareser bikin?
09:18 Bi bîra komîsyonê xistin: Aktorê sereke birêz Ocalan e
09:16 KESK'î dê li 6 bajaran ji bo vegera ser kar a KHK'iyan bimeşin
09:00 ROJEVA 1’Ê COTMEHA 2025’AN
30/09/2025
16:43 Peyama Abdullah Ocalan a ji bo Şengalê: Ez ê dest ji hesabpirsîna komkujiyê bernedim
15:50 Ji ber dirûşma ‘şehîd namirin’ cezayê hefsê dan Yilmaz
15:49 'Rewşa Yilmaz ê di rojiya mirinê de giran dibe’
15:26 TOKÎ jî daxilî talankirina xwezayê ya li Şirnexê bû
14:30 Ji bo Amedsporê bang li îktîdarê kirin: Ji bo pêşîlêgirtina polîtîkaya cihêkariyê gav biavêjin
13:44 Rapora rêxistinên maf û hiqûqê: Binpêkirinên li girtîgehan pir zêde bûne
13:19 Rewşa Beşîkçî baş dibe
13:10 Sînorê xizaniyê 4 qat ji mûçeyê kêmtirîn zêdetir bû
13:09 Tevî plana ‘aştiyê’ jî êrişên Îsraîlê yên li dijî Xezeyê didomin
11:40 Hedefa meşa ji Amedê ber bi Enqereyê ve zelal e: Azadiya Abdullah Ocalan
11:20 'Ji bo Kurdî divê gavên yasayî bên avêtin’
10:55 Rêveberekê DAIŞ’ê li Dêrazorê hate girtin
10:54 Xebatên madenvaniyê yên li Wanê gefê li ekolojiya li hewza golê dixwin
10:35 Temellî: Divê tavilê zemîna mizakereyan bi Ocalan re bê avakirin
10:02 Salih Muslim: Xwestin li NY’ê Şara rewa bikin
09:32 Ji helîkopterê hatibûn avêtin: 5 sal derbas bûn, faîl hêj nehatine girtin
09:12 Piştî êrişên Îsraîlê rewşa Îranê
09:11 Ocalan di salekê de çi peyam dan?
09:07 'Bila pêşniyaza Bahçelî ya axaftina li meclisê pêk bê'
09:06 Esnafa jin a ewil a Gimgimê: Gelek zext li me kirin lê dîsa jî em bi ser ketin
09:00 ROJEVA 30’Ê ÎLONA 2025’AN
29/09/2025
16:42 Ozel: Divê sererastkirinên yasayî di demekî nêz de bên kirin
16:20 Komên paramîlîter li Efrînê welatiyekî Êzidî revandin
16:19 Baroya Amedê bertek nîşanî TED’ê da: Parastina ziman jêneger e
15:57 Komîsyon dê li rêxistinên hiqûqê guhdarî bike
15:18 Xetereya li ser jiyana Beşîkçî didome
15:06 Doza faîlê Dîlara Gunanayê hate taloqkirin
14:49 Binpêkirinên li Girtîgeha Tekîrdagê: Serî li ÎHÎK’ê dan
14:02 Di lêpirsîna 3 rojnamegeran de biryara neşopandinê hat dayin
13:57 Li Hezexê qeza: Jinekê jiyana xwe ji dest da
13:53 Ji Koleja TED’ê ya li Amedê fermana ‘Tenê dê bi Tirkî bê axaftin’
13:42 Prof. Enzo Traverso: Meseleya Kurd derbasî qonaxeke dîrokî bû
13:34 Li Bagokê liv û tevgera leşkerî
13:24 Dosyaya 11 rojnamegeran ji ber ewraqên kêm paşve hate şandin
12:41 Hêj tenê baskekî ‘Çûka aştiyê’ heye
11:33 Ji bo meşa 1’ê Cotmehê bang: Ji bo azadiyê em dengê xwe bilind bikin
11:28 Şandeya MSD’ê li Liveerpolê ye
09:48 Talana li Gabarê ji hewa ve hate kişandin
09:34 Li Pasûrê demsala serrezê dest pê kir
09:26 Nîzamettîn Toguç: Divê komîsyon tavilê li Ocalan guhdarî bike
09:25 Hevdîtinên şandeya jinan a Bakur û Rojhilatê Sûriyeyê yên li Ewropayê didomin
09:04 Xwebûn bi manşeta ‘Waştişê ziwanî polîtîk o’ derket
09:00 ROJEVA 29’Ê ÎLONA 2025’AN
28/09/2025
16:46 Li Kutahyayê erdhej çêbû
15:45 'Dê pêvajo bi pêşengtiya Ocalan bi ser keve’
14:59 Banga ji bo Roboskê: Zagona Heqîqet û Edaletê derxînin