Pêvajoya hilbijartinê di 18’ê adarê de dest pê dike

img
ENQERE - Serokê YSK’ê Ahmet Yener, aşkere kir ku destpêka xebatên hilbijartinê weke 18 adarê hatiye diyarkirin. 
 
Serokê Lijneya Bilind (YSK) Ahmet Yener, di civîna çapemeniyê ya li dar xistî de axivî. Yener, da zanîn ku dîroka destpêkirina xebatên ji bo hilbijartinên Serokkomariyê û hilbijartinên giştî yên serdema 28’emîn ên di 14’ê gulanê de bên kirin weke 18’ê adarê hatiye diyarkirin û got: “Xebatên ji bo diyarkirina prensîbên dengdayînê yên dengdêrên li hundir û derveyî welat jî dewam dikin."
 
PARTIYÊN KU DÊ TEV LI HILBIJARTINÊ BIBIN
 
Biryara YSK’ê ya têkildarî partiyên siyasî yên ku dê tev li hilbijartinê bibin, di hejmara duh a Rojnameya Fermî de hate weşandin. YSK'ê di biryara xwe ya weşandî de diyar kir ku li gorî madeyên pêwendîdar ên qanûna bi hejmara 298 a “Li ser Bendên Bingehîn ên Hilbijartin û Qeydên Hilbijêran” û “Qanûna Partiyên Siyasî” ya bi hejmara 2820'an, 36 partiyên siyasî yên hatin dîtin ku herî kêm 6 meh beriya 14'ê Gulana 2023'yan kongreyên xwe yên mezin lidar xistine û herî kêm nîviyê bajaran rêxistinên xwe avakirine dikarin tev li hilbijartinê bibin.
 
Navên partiyên ku dê bikarin tev li hilbijartinê bibin wiha ne: 
 
1- Partiya Dad û Yekitiyê
 
2- Partiya Edaletê
 
3 - Partiya Pêşketin û Edaletê
 
4- Partiya Anavatan
 
5- Partîya Tirkiyeya Serbixwe
 
6- Partîya Yekîtîya Mezin
 
7 - Partiya Tirkiyeya Mezin
 
8- Partîya Gel a Komarê
 
9 - Partiya Demokrasî û Pêşveçûnê
 
10- Partiya Çep a Demokratîk
 
11- Partiya Demokrat
 
12- Partiya Kedê
 
13- Partiya Pêşerojê
 
14- Partiya Ciwan
 
15- Partiya Yekitiya Hêzan
 
16- Partiya Maf û Azadiyan
 
17- Partiya Rizgariya Gel
 
18- Partiya Demokratîk a Gelan
 
19- Partiya Doza Azad
 
20- Partiya Îyî
 
21 - Partiya Memleket
 
22- Partiya Netewe
 
23 - Partiya Tevgera Netewperest
 
24- Partîya Rêya Neteweyî
 
25- Partiya Seadetê
 
26 - Partiya Çep
 
27- Partiya Guhertinê ya Tirkiyeyê
 
28- Partiya Karkeran a Tirkiyeyê
 
29- Tevgera Komunîst a Tirkiyeyê
 
30- Partiya Komunîst a Tirkiyeyê
 
31- Partiya Wetan
 
32- Partiya Yenîden Refah
 
33- Partiya Nûbûnê
 
34 - Partiya Tirkiyeya Nû
 
35- Partiya Pêşeroja Çep û Keskan
 
36 - Partiya Zafer