NAVENDA NÛÇEYAN - Hêzên Çekdar ên Ermenistanê xwestin Serokwezîr Nikol Paşinyan û hikumeta wî îstîfa bike. Paşinyan jî got ev hewldana darbeyê ye.
Li Qerebaxê ya Ermenistan û Azerbaycanê şer kiribûn. Ermenistan ji wê herêma şer vekişiyabû. Ji ber vê yekê Serokwezîrê Ermenîstanê Nikol Paşinyan bi protestoyan re hevrû mabû. Hêzên Çekdar ên Ermenîstanê banga îstîfayê li Nikol Paşinyan kir.
Ajansa nûçeyan a Rûs Interfax ragihand ku artêşa Ermenistanê daxuyaniyek nivîskî weşandiye û banga îstîfayê li Nikol Paşinyan û hikumeta wî kiriye.
Paşinyan bersiva daxuyaniya artêşê da û got: “Li welat hewldana darbeyekê heye. Paşinyan bang li alîgirên xwe kir ku li Êrîvanê kom bibin û li ber hewldana darbeyê rabin.