Serokê Giştî yê Partiya Gelecekê Ahmet Davutoglû piştî hevdîtina bi Şandeya Îmraliyê ya DEM Partiyê re de axivî û got divê verastkirinên qanûnî yên li Tirkiyeyê demildest bikevin meriyetê. Mîthat Sancar jî got ku di rojeva wan de qanûna aştiyê heye.
Wekîlên DEM Partiyê û AKP’ê yên Wanê, ji bo pirsgirêkên xelkê bajêr dijî û nîqaşkirina çareseriyên wan, li Meclisê civiyan.
Hevseroka Giştî ya DEM Partiyê Tulay Hatîmogûllari diyar kir ku hewceye komîsyona li Meclisê hatiye avakirin demildest verastkirinên qanûnî bike û got ku îktîdar bi zanebûn pêvajoyê bi demê re vedihêle.
Li Wanê bi hezaran kes tev li civîna bi gel re bûn. Hevşaredara Êlihê Gulistan Sonukê di civînê de got: “Heke em bikarin berpirsyartiyên xwe yên di vê pêvajoyê de bicih bînin, têkoşîna me dê bi azadiya fîzîkî ya Rêber Apo biencam bibe. Têkoşîna me divê ji bo vê be.”
Serokwekîla Koma DEM Partiyê Gulistan Kili Koçyîgîtê got: “Bêdengbûna çekan ne encamek e, destpêk e. Armanca me ya esasî, aştiya pozîtîf a li ser bingeha wekhevî û edaletê ye.”
Şandeya Îmraliyê ya DEM Partiyê dê bi Serokê Giştî yê Partiya Gelecekê Ahmet Davutoglû re hevdîtinê bike.
Hevdîtina Şandeya Îmraliyê ya DEM Partiyê û Serokê Giştî yê CHP’ê Ozgur Ozel ku dihat payîn sibê were kirin, hat taloqkirin.
Hevserokê Giştî yê DBP’ê Keskîn Bayindir, got: “Niha jî AKP bi rapora ku dê pêşkêşî Meclisê bike, ji çareserkirina meseleyeke cidî direve û gavên bibiryar û wêrek naavêje û ji vê dûr disekine.”
Endama Şandeya Îmraliyê ya DEM Partiyê Pervîn Buldan diyar kir ku pêvajo derbasî qonaxa duyemîn bûye û got: “Di vê qonaxê de hewcehî bi zemîneke zagonî, hiqûqî heye. Divê zagona aştiyê hebe.” Bahçelî jî got: “Pervîn Xanimê her mijar bi aşkerayî anî ziman. Ez îmzeya xwe diavêjim bin her gotina wê.”
Şandeya Îmraliyê ya DEM Partiyê bi Serokê Giştî yê MHP’ê Devlet Bahçelî re civiya.
Şandeya Îmraliyê ya DEM Partiyê, bi Serokê Giştî yê DEVA’yê Alî Babacan re civiya.
Endamên Şandeya Îmraliyê ya DEM Partiyê dê sibe biçin serdana Serokê Giştî yê MHP’ê Devlet Bahçelî û Serokê Giştî yê DEVA’yê Alî Babacan.
Nûnerên komeleyên Romanan û partiyên siyasî serdana Rêxistina DEM Partiyê ya Îzmîrê kirin û têkildarî pêvajoya aştiyê gotûbêj kirin.
Cengîz Çîçek têkildarî Budçeya Wezareta Parastinê axivî û got: “Banga Aştî û Civaka Demokratîk, ferz dike ku hînbûnên sedsal in didomin bên terikandin.”
MHP’ê, rapora xwe ya têkildarî pêvajoyê ku ji 120 rûpelan pêk tê, pêşkêşî Seroktiya Meclisê kir. Endamê Komîsyonê yê MHP’ê Fetî Yildiz, pirsa rojnamvenan a têkildarî “mafê hêviyê” bersivand û got: "Hûn dê bibînin."