Mamoste û hevberdevka Dibistana Şehîd Koçerî ya Amadehî ya Mexmûrê Hêlîn Kaya diyar kir ku li Mexmûrê jin bi fikir û rêbazên neteweya demokratîk di nava civakê de roleke cidî dilîzin û got: "Heke pîvanên Neteweya Demokratîk pêk werin wê zilamek nikaribe di civakê de tundiyê bike."
Seroka Daîreya Polîtîkayên Jinan a Şaredariya Bajarê Mezin a Amedê Ozden Gurbuz Sumerê, diyar kir ku armanca wan ew e ku bi kampanyaya "Gotina me neqediyaye: Em ê bi hev re tundiyê rawestînin" bajarekî li ser esasê wekheviya zayendî ava bikin.
Civaknas Taner Taş anî ziman ku tundiya li ser jin û zarokan bi desthilatdariyê, pêgirtîbûna aboriyê û kedxwariya kapîtalîst ve girêdayî ye û got: "Ji bo çareseriya pirsgirêkê ne takekesî, divê mirov li ser guhertinên pergalî hûr bibe."
DAKAP û Tora Têkoşîna li Dijî Tundiyê ya Amedê, starta çalakiyên 25’ê Mijdarê bi şandina qertan a ji girtiyên jin re dan. TJA û Meclisa Jinan a DBP’ê jî li Sêrtê qert ji jinên girtî re şandin.
Endamên Meclisa Dayikên Aştiyê ya Amedê bertek nîşanî cezayê îdamê yê li Werîşe Mûradî hatiye birîn dan û ev bang kirin: “Jin jiyan e, jiyanê qetil nekin.”
Hevşaredara Mêrdînê Devrîm Demîrê tayînkirina qeyûman wekî "Ev polîtîka polîtîkaya dijminatiya kurdan e" nirxand û Hevşaredara Êlihê Gulistan Sonukê jî got: "Armanca qeyûman ew e ku civakeke yekreng û yekzayend bi rê ve bibin."
Komeleya Jinan a Starê û TJA’yê diyar kirin ku li Wanê di nava 10 mehan de 10 jinan bi awayekî guman jiyana xwe ji dest dane.
Şaredariya Bajarê Mezin a Wanê û Şaredariya Tûşbayê di çarçoveya 25’ê Mijdarê Roja Têkoşîna li Dijî Tundiya Ser Jinê ya Navneteweyî de li dijî tundiyê belgeya helwestê îmze kirin.
Hevşaredarên jin ên DEM Partiyî di çarçoveya kampanyaya “Gotina me xelas nebûye. Em ê bi hev re tundiyê bisekinînin” de ji bo jinên hatin qetilkirin 80 şitil danîn.
Jina bi navê Sevda Bal ku li Sêweregê dijiya, li mala xwe bi awayekî guman jiyana xwe ji dest da.
Şaredarên DEM Partiyê starta kampanyaya “Gotina me xelas nebûye, em ê bi hev re tundiyê bisekinînin” dan ku dê salekê bidome.
Îdianameya derheqê Mehmet Demîrhan de ku Hîlal Kar qetil kiribû, piştî 5 mehan hate amadekirin. Di îdianameyê de ji ber sûcê “Kuştina bi plankirî û biqesdî” cezayê muebbeta girankirî hat xwestin.
Şaredariya Xana Axparê navê Narîn Guranê li parka nû hatiye çêkirin kir. Jinên tev li bekirina parkê bûn, ji bo bîranîna Narîn Guran, Rojîn Kabaîş û Şirîn Elmasê şitil danîn.
Elîf Kabaîş, xwişka Rojîn a ku tê xwestin mirina wê wekî" xwekuştinê" bê nixumandin, diyar kir ku şîfreya telefonê ya ku piştî 5 rojan hat şikandin, wekî roja 8'an hatiye nîşandan. Bav Nîzamettîn Kabaîş jî xwest ku encamên otopsiyê di demeke herî nêz de bên eşkerekirin.
Li Agiriyê starta çalakî û xwepêşandanên 25’ê Mijdarê bi meşekê hate dayin.