NAVENDA NÛÇEYAN - Parlamenterê Bajarê Qom ê Parlamentoya Îranê Ehmed Emîr Abadî Ferahanî, têkildarî vîrusa Corona li meclîsa Îranê axivî û diyar kir ku di nava 3 hefteyên dawî de li bajarê Qomê nêzî 50 kesan jiyana xwe ji dest daye, lê wezîr ser vê yekê vedişêre.
Parlamenterê Bajarê Qomê yê Parlamentoya Îranê Ehmed Emîr Abadî Ferahanî, îro serê sibê di meclîsa Îranê de bal kişand ser rewşa Vîrusa Corona û diyar kir ku ev nexweşî dereng hatiye îlankirin û li gori wê tedbîr nayên girtin. Ferahanî, anî ziman ku heta duh nêzî 50 kesan li bajarê Qomê jiyana xwe ji dest dane û ev pirs ji Qezîrê Tenduristiyê yê Îranê pirsîn: "Bajarê Qomê di aliyê Vîrusa Corona de rewşa wê nebaş e. Li ser vê babetê dewlet nikare erka xwe pêk bîne. Hemşîreyên li nexweşxaneyê cilê wan ê xwe ji vê vîrûsê biparêze ên baş nîne. Dîsa labaratuvar pir kêm in. Em nikarin wekî ku tiştek tune be li vê qirîza vîrûsê temaşe bikin. Mixabin 3 hefteye ku ev vîrûsa corona derbasî bajarê Qomê bûye. Lê ev nexweşî dereng hatiye îlankirin. Lê wezîrê tenduristiyê yê Îranê û çapemeniya dewletê israr dikin ku ev vîrûsa corona 3 rojin belav bûye. Beriya hilbijartinê bi zanebûn vê nexweşiyê vedişêrin û gel dixapînin."