NAVENDA NÛÇEYAN - Li Hesekê û Qamişlo bi deh hezaran kes komploya 9’ê Cotmehê ya li dijî Rêberê PKK’ê Abdullah Ocalan protesto kirin. 

 

Li rojavayê Kurdistanê (Bakur û Rojhilatê Sûriyeyê) bi deh hezaran kes daketin qadan û komploya 9’ê Cotmehê ya li dijî Rêberê PKK’ê Abdullah Ocalan pêk hat şermezar kirin. 

 

Di meşa li Hesekê de hat lidarxistin ji Til Temir, Dirbêsiyê, Hol, Til Berak û Şedadê bi hezaran kes tev li bûn. Meşê ji Qada Arîn Mîrkan dest pê kir û pankartê "Ji Rêber Apo re azadî û ji pirsgirêka kurd re çareserî", "Na ji komploya navneteweyî ya li dijî Rêber Abdullah Ocalan re, erê ji azadiya fîzîkî ya Rêber Abdullah Ocalan re" hildan. Piştî meşê dê li qada Xito ya li bajêr mitîng bê lidarxistin. 

 

QAMIŞLO 

 

Li Qamişlo jî bi deh hezaran kes bi heman armancê daketin qadan. Li Çerxerêya Osman Sebrî ya li Qamişloyê meşeke girseyî hat lidarxistin. 

 

Bi hezaran kurd, ereb û suryanên bajarên Til Koçer, Dêrik, Girkê Legê, Çilaxa, Tirbespyê, Qamişlo û Amûdê yên kantona Cizîrê, nûnerên partiyan û Rêveberiya Xweseriya Demokratîk a kantona Cizîrê tev li meşê bûn. 

 

Di meşê de wêneyên Abdullah Ocalan û pankarên "Ji Rêber A bdullah Ocalan re azadî û ji pirsgirêka kurd re çareseriya siyasî", "Bi giyanê berxwedana girtîgehan em ê Rêber Abdullah Ocalan azad bikin", "Azadiya Serok Apo azadiya gelên têkoşer e", "Em komploya navneteweyî ya li dijî Rêber Abdullah Ocalan şermezar dikin û banga azadiya wî ya fîzîkî dikin, "Bi giyanê berxwdana Îmraliyê em ê komploya 9’ê Cotmehê têk bibin" hatin hildan. 

 

Meş dê li çerxerêya Robar bi dawî bibe û mitîng bê lidarxistin.