WAN - Di serdegirtinên malan ên li Wanê de Serokê Konseya Bajar a Şaredariya Bajarê Mezin a Wanê Fîkret Dogan û 2 kesên din hatin binçavkirin.
Îro di danê sibehê de polîsên dewleta tirk li Wanê bi ser malan de girtin. Di serdegirtinên malan de Hevserokê Partiya Herêmên Demokratîk (DBP) ê berê Harun Okay, Hevserokê HDP’ê yê Bajar ê berê û Serokê Konseya Bajar a Şaredariya Bajarê Mezin a Wanê Fîkret Dogan û li Tetwan a Bedlisê jî welatiyê bi navê Mûstafa Doner hatin binçavkirin. Kesên hatin binçavkirin birin Midûriyeta Emniyetê ya Wanê.
Hat zanîn ku Okay, Dogan û Doner di çarçoveya dosyaya Şaredarê Esenyurtê ya Stenbolê Ahmet Ozer de hatine binçavkirin.