Di Hilbijartinên Herêmî yên 31’ê Adara 2024’an de li Sêrtê ku AKP’ê jı polis ü leşkeran zêdeyî 6 hezar û 600 hilbijêr veguhastibûn bajêr, Partiya Wekhevî û Demokrasiyê ya Gelan (DEM Partî) bi ferqeke 9 hezar û 372 dengan şaredariyê ji destê qeyûm derxistibû. Namzeta hevşaredariyê Sofya Alagaş 37 hezar û 216 deng, namzetê AKP’ê Ekrem Olgaç jî 27 hezar û 844 deng standibûn. Lê 10 meh piştî hilbijartinan careke din qeyûm tayînî şaredariyê hat kirin.

 

Li Hevşaredara Sêrtê Sofya Alagaş di 28'ê Çileyê de di danişîna doza bi îdiaya "endamtiya rêxistinê" dihat darizandin de 6 sal û 3 meh cezayê girtîgehê lê hat birîn. Dotira rojê (29) Wezareta Karên Navxweyî, waliyê bajêr Kemal Kizilkaya wekî qeyûm tayinî şûna Sofya Alagaşê kir. 

 

ÎCREATÊN QEYÛM

 

Çalakiya yekem a Kizilkaya ku wekî qeyûm hat tayînkirin, ala tirk li şaredariyê daliqand û wêneyê Serokê Giştî yê AKP'ê Tayyîp Erdogan li odeya xwe daliqand. Kizilkaya ku serê sibehê de bi parêzvanekî hat şaredariyê, di wêneyê ku li odeya şaredar kişand de, derket holê ku "navdank"a xwe ji berê de amade kiriye. Îcraeteke din a Kizilkaya jî ew bû ku ji malpera şaredariyê navên Hevşaredar Sofya Alagaş û Mehmet Kaysi rakir. 

 

Hevşaredarên ku gava hatin ser kar deynê şaredariyê 456 milyon û 853 hezar û 781 lîre û 39 quriş bû, di 10 mehan de ji xizmetên rê heta paqijî û çalakiyên çand û hunerê gelek xizmet kirin. Hevşaredar ku di 8'ê Nîsana 2024'an de dest bi wezîfeyê kirin, 15 otobusên ku 3 mehan di dema qeyûm de betal bûn tamîr kirin û di 29'ê Nîsanê de ji bo xizmeta gel bê kirin, ew çalakkirin. Li otobusan tabelayên agahdarkirinê yên bi kurdî, tirkî û erebî hatin daliqandin. 

 

JINKART

 

JINKART a ku di her dema qeyûm de hatibû betalkirin, di 13’ê Hezîrana 2024’an de careke din ji aliyê rêveberiya DEM Partiyê ve ket meriyetê. Di çarçoveya xizmeta ku ji bo jin bi hêsanî sûdê ji gihaniyê bigirin hat destpêkirin, bihayê otobusan ê ku 9 TL bû, ji bo jinan bû 6,5 TL. Midûriyeta Jinan a şaredariyê ji nû ve hat çalakkirin û li taxan perwerdeya tenduristî û zayendî ya ji bo jinan jî di nav xebatên ku hatin lidarxistin de bûn.

 

XWARINGEHA BAJÊR HAT VEKIRIN

 

Li dijî xizaniyê li Taxa Medîne ya navendî Xwaringeha Bajêr hat vekirin. Li xwairngehê 4 cure xwarin bi 100 lîreyî dihat dayîn. 

 

ÇALAKIYÊN ÇAND Û HUNERÊ

 

Gelê bajêr, li gel xizmeta sê zimanî, bi çalakiyên çand û hunerê hatin cem hev. Di çarçoveya "Rojên Sînemaya Vekirî" de ku di 6'ê Tîrmeha 2024'an de dest pê kir, tevahiya havînê pêşandana fîlman belaş hat kirin û konser hatin lidarxistin.

 

Bi beşa "Peyam ji şaredar" re ku di 3'ê Îlona 2024'an de li ser malpera fermî ya Şaredariya Sêrtê hat vekirin, ji bo welatiyan ji bo çareseriya pirsgirêkên ku bi wan re rû bi rû dimînin, bi rêya peyaman rasterast xwe digihandin hevşaredaran. Lê belê sepana navborî piştî tayinkirina qeyûm betal bû. 

 

Hevşaredar, di 21'ê Mijdara 2024'an de Tesîsa Nû ya Civakî "Tepe Cafe" ya li Kizlar Tepesiyê vekirin. Rêveberiya DEM Partiyê ji bo malbatên hewcedar bi têgihiştina şaredariya civakî di 10 mehan de xebatên wekî "Bi xêr hatî pitik", "Piştgiriya kursiya biteker a destan" û "Piştgiriya Xwarina Germ" a rojane pêk anîn.

 

PROJEYÊN NÎVCOMAYÎ

 

Heger qeyûm nehatiba tayînkirin, "Stasyona şarjê ya otopark û tesîsan", "Malpera galerîvanan", "çarşıya penîr û qesaban", "Avakirina mala Dengbêjan", "Ji bo hilberandin berên xwemalî û markebûna berhemên herêmî", "sîteya tomerîfiroşan", "Pirtûkxaneya Gela a Mîr Celadet Alî Bedirxan", "Mêvanxane", "Bankeya xwarinê û cilan", "Hilberandin û firotina nanê tendûrê", "Navenda Şêwirmendiyê ya Jinan a Berfînê", "selihandina rêyan û pêşxistina fistiqên Sêrtê", "destkariya jinan û bazara kedê", "seraya şitilan", "projeya nehiltina bermayiyan û totmatên vegerandinê", "sererastkirina platforma Newrozê", "xebatên berhevkirina çîrokên gelêrî", "navenda perwerdehiyê ya bêheq", "pêşxistina îstihdamkirina jinan", "navenda ciwanan", "panelên rojê û GEs", "çêkirina kuçeya hunerê", "kreşên pirzimaniyê", "fabrîkeya nan" wê bihatan çêkirin. 

 

MA / Berîvan Altan