* Nivîskarên di bin banê Komeleya Lêkolînê ya Ziman, Çand û Hunerê (DÎSA-DER) de gotin "Nirxa herî sereke ya gel dike gel ziman e" û ji bo xwedîderketina li komelyê bang kirin.
* Yekîtiya Jinê ya Serbixwe, ji bo tevkariyê li têkoşîna jinê bike û ji bo li gel jinên bi şidetê re rû bi rû mane cih bigire, li Çorlûyê hat avakirin. Xebata ewil a yekîtiyê wê 25'ê Mijdarê Roja Têkoşîna Li Hemberî Şideta Li Dijî Jinê ya Navnetewî piştevaniya ji bo jinan be.
* Li yek ji şahidên skandala taciz û tecawizê ya li Girtîgeha Pozantiyê Mehmet Salîh Fîlîz zêdetirî 17 sal ceza hatibû birîn. Dadgeha Bilind cezayê li Filîz hatibû birîn pesend kir. Parêzer jî ji ber bi cezayê hatiye birîn "mafê darizandineke adil" hatiye binpêkirin serî li Dadgeha Qanûna Bingehîn da.
* Parêzer Mazlûm Demîrbag ku li Girtîgeha Tîpa T a Manîsayê bi muwekîlên xwe re hevdîtin çêkir, destnîşan kir ku bûyerên derbkirinê veguherîne rewşeke sîstematîk û ji bo vê bang li Wezareta Dadê û hemû rayedaran kir.
* Siyasetmedarên kurd ên li Sûriyeyê biryara DYA'yê ya ji o pêşengên PKK'ê nirxandin û xwestin demildest dev ji vê biryarê bê berdan. Siyasetmedaran anî ziman ku ev pêşeng li Şengal, Iraq û Sûriyeyê ji bo mirovahiyê şer kirine û gelê kurd li cem pêşengên xwe ne.
Dr. Halîs Yerlîkaya, bal kişand ser pirsgirêkên di qada tenduristiyê û polîtîkaya Hikûmeta AKP'ê û xwest pêşnûma torbe ya tenduristiyê bi tevahî paşve bê kişandin. Yerlikaya, destnîşan kir ku hin xalên pêşnûmayê bi tevahi rê li pêş xebatên bijîşkan digirin.
* Bi ser kuştina Ugur Kaymaz ê 12 salî ku bi 13 guleyan li gel bavê xwe li Qoserê hat kuştin re 14 sal derbas bû. Dayika Ugur, Makbule Kaymaz da zanîn ku wek roja ewil hevjîn û kurê wê li ber çavê wê ne û got: "Ne wê rojê û ne jî tiştên piştî wê kirin em ê ji bîr bikin."
* Platforma Jinê ya Dersimê daxuyand ku ew ê di 25'ê Mijdarê de li hemberî şidet û çewisandinê dakevin qadan.
* Hat derpêşkirin ku li bajaroka Dêrgulê Waliyê Şirnexê û hin rêveberên AKP'î hevdîtin bi malbatên nêzî AKP'ê yên ji bo hilbijartina herêmî namzetên xwe diyar dikin re çêkirine û ji wan xwestine dengê xwe bidin namzetê ku ew ê diyar bikin.
* Muzîkjen Erkan Benlî yê di dema “qedexeya derketina derve” ya li Nisêbînê de hat girtin. Di bedena Benlî de parçeyên şarapnelê hene û divê ameliyat bibe. Parêzerê wî got ev 2 sal e bi awayek kêfî ameliyat tê astengkirin.
* Partiyên komên wan li meclîsê hene HDP, CHP, AKP û MHP dê li meclîsê civînên xwe yên hefteyî pêk bînin.
* Danişina doza nûçegîhanên Ajansa Nûçeyan Etkin (ETHA) Adil Demircî û endamên Partiya Sosyalîst a Bindestan (ESP) dê li 25'emîn Dadgeha Cezayên Giran a Stenbolê bê dîtin. Endamên ESP'ê dê beriya danişînê li pêş Edliyeya Çaglayanê daxuyaniyê bidin çapemeniyê. (09.30)
* Di navde Rojnameger Îshak Karakaş jî heye dê 3'emîn danişîna doza 9 kesên bi îdîaya “propaganda rêxistinê kiriye" li 28’emîn Dadgeha Cezayên Giran a Stenbolê bê dîtin. (10.00)
* Yekemîn Danişîna doza Rojnameger Ahmet Kanbal ku bi îdîaya "propaganda rêxistinê kirine" doz lê hatibû vekirin dê li 2'emîn Dadgeha Cezayên Giran a Îzmirê bê dîtin. (10.10)
* Rêxistinên HDP'e yên Êlih, Amed û Edeneyê dê li avahiyên xwe bi civînên çapemeniyê starda xebatên hilbijartinê bidin. (10.30-12.00)
* Komeleyên Şaxên Mafên Mirovan (ÎHD) yên Stenbol, Edene, Amed û Êlihê û Baroya Amedê bi minasebeta 20'ê Mijdarê Roja Mafê Zarokên Cîhanê dê li saziyên xwe civînên çapemeniyê pêk bînin. (11.00-12.00-13.00)
* Meclîsa Jinan ya HDP'ê dê têkildarî 25'ê Mijdarê daxuyaniye bidin û kartan ji jinên girtî re bişînin. (13.00)
* Rêxistina HDP'ê ya Şirnexê dê li avahiya HDP'ê ya Hezexê bi minasebeta 25'ê mijdarê panelê pek bîne. Parlamentera HDP'ê ya Sêrtê Meral Danış Beştaş jî dê beşdar bibe. (13.00)
* Platforma Jinan a Bajarê Rihayê dê bi minasebeta 25'ê Mijdarê li şaxa Egîtîm Sen'ê civîna çapemeniyê pêk bînei. (14.00)
* Înîsiyatifa Malbatên Pirsûsê dê di meha 40'emîn de li Kolana Halitaga ya Kadikoyê daxuyaniyê bidin çapemeniyê. (18.00)