* Dadgerê DMME'yê yê berê Riza Turmen gotina Serokomar Erdogan a der barê biryara DMME'yê ya ji bo Demîrtaş dabû nirxand. Turmend, diyar kir ku divê dewletên endamên yekîtiyê ne li gor biryarê tev bigerin û got: "Ger Tirkiye dewleteke hiqûqê be divê li gor biryarê tev bigere."
* Omer Erîn ê li Girtîgeha Tîpa L a Dîlokê dimîne, destnîşan kir ku li hewadariya girtîgehê nîzama leşkerî ya di yekrêzê de li wan tê ferzkirin.
* Wê li Dersimê li ser navê rêveberê Egîtîm Senê Kazim Unlu yê piştî bi KHK'ê hat îxrackirin qeyrana dil derbas kir û mir, pirtûkxaneyeke kapasîteya wê 5 hezar pirtûk in bê vekirin.
* Rêveberê ÎHD'ê Parêzer Ercan Yilmaz, destnîşan kir ku li Tirkiyeyê ji ber qanûnên heyî nayên sepandin bi sedan zarok tevî dayikên xwe di girtîgehan de ne û tevî girtiyên mezin zarok jî bi binpêkirinên mafan re rû bi rû dimînin. Ylmaz ji bo ev yek bê çareserkirin bang li partiyên siyasî û Komîsyona Mafên Mirovan a Meclîsê kir.
* Ji ber krîza aborî di salekê de 5 caran ceryan hat bihakirin. Esnafan anî ziman ku fatûreya krîzê li wan tê birîn.
* Emniyetê gazî malbata rojnamevan Berîvan Altan û Habîbe Eren kir û gef li wan xwarin. Emniyetê ji malbatan re derpêş kiriye ku saziyên ku zarokên wan lê dixebitin derqanûnî ne û gotiye "heyfa zarokên we."
* Hacer Usta, ji bo kurê xwe Ersîn Urkek ê li Girtîgeha Bolûyê hat derbkirin serî li serdozgeriyê dabû, lê belê dozgeriyê ji Ûsta re got "kurê te întihar kir." Ûsta, îdia kir ku bi zorê derman dane kurê wê. Girtîgehê jî parast ku "Li girtîgehê bûyerên întiharê çêdibin, lê tu eleqeya vê yekê bi pêkanînên li girtîgehê re tune ye."
*Yek ji dengbêjên herî ciwan dengbêj Cafer ku wek dengbêj Şakiroyê Biçûk tê nasîn diyar kir ku ji ber tesîra dengê dengbêj Şakiro fêrî dengbêjiyê bûye û got: “Mirov nikare saloxdana Şakiro bide. Ez dikarim bêjim di warê dengbêjiyê de dengbêj Şakiro Pavarottiyê kurdan e.”
* 7'emîn anişina doza Hevserokê HDP'ê yê berê Selahattin Demirtaş ku bi îdîaya li memûr heqaret kiriye hatiye vekirin dê li 1'emîn Dadgeha Asliye Ceza ya Wêranşara Rihayê bê dîtin. (10.00)
* 7'emîn Danişîna doza komkujiya 33 kesên di 20'ê Tîrmeha 2015'an de li Navenda Çanda Amara ya Pirsûsê jiyana xwe ji dest dan û 70 kes tên darizandin dê li 5'emîn Dadgeha Cezayên Giran a Rihayê bê dîtin. (10.00)
* Danişina doza Prz. Veysel Ok û Nûçegîhanê Ozgur Duşunce Cihan Acar dê li 37’emîn Dadgeha Asliye Ceza ya Stenbolê bê dîtin. (10.00)
* Rêxistina HDP'ê ya Stenbolê dê starta hilbijartina 31'ê Adarê bi civîna çapemeniyê li avahiya HDP'ê ya Stenbolê bidin. (11.00)
* Platforma Jinan a Dicle Amed ya Amedê (DAKP), dê li PTT ya Ofîsê ya Amedê bi minasebeta 25'ê Mijdarê ji jinên girtî re kart û nameyan bişîne. (11.00)
* Platforma Jinan a Ahtamara dê bi minasebeta 25'ê Mijdarê li avahiya Platforma Şaxan a KESK'ê ya Wanê daxuaniyê bide çapemeniyê. (11.00)
* Hiqûqnas ji bo parêzerên girtî dê di hefteya 80'an de li ber Edliyeya Çaglayan a Stenbolê Nobeta Edaletê berdewam bike û bixwazin parêzerên girtî bên berdan. (11.30)
* Hevseroka Giştî ya HDP'ê Pervin Buldan, dê Kongreya Civaka Demokratîk (KCD) ziyaret bike û geşedanên dawî binirxîne. (12.00)
* Meclîsa Jinan a HDP'a Şirnexê dê bi minasebeta 25'ê mijdarê li Şirnexê panelê pêk bîne. (13.00)
* Platforma Jinan a Rihayê dê bi minasebeta 25'ê mijdarê li postexaneya Rihayê kartan ji jinên girtî re bişînin. ( 14.00)
* Malbatên Roboskê yên 34 zarok û xizmên wan di êrîşa balafirên şer ên TSK'ê de jiyana xwe ji dest dan di hefteya 358'an de çalakiyên xwe berdewam bikin û edaletê bixwazin. (16.00)
* Platforma Şaxan a KESK'ê dê têkildarî endam û rêveberên xwe yên hatin îxrackirin li Parka Karayollari ya Stenbolê daxuyaniyê bide çapemeniyê. (16.00)