AMED - Serokê Şaxa ÎHD'ê ya Amedê Prz. Abdullah Zeytun, di panela "Îhlalên zarokan û çareserî" de diyar kir ku di serdema OHAL'ê de ji ber polîtîkayên “ewlekariyê" gelek zarok hatin înfazkirin. Zeytûn, da zanîn ku ji ber şertên şer gelek zarok bê daraz hatin înfazkirin û wiha got: "Di 2015’an de li Amedê di qedeşeya 9 rojan de Helîn Şen, dema çû derve nan bistine, ji maşîneya zirxî gule berdanê û jiyana xwe ji dest da. Helîn piştî birîndar bû 2 saetan li kolanê li heviya ambulansê hat rawestandin. Ji ber ambulans nexistin kolanê Hêlîn jiyana xwe ji dest da."
Vakfa Alîkariya Însanî û Koçberiyê, li Otela Demîr a Sûra Amedê li ser mafê zarokan panela “Îhlalên Zarokan û Pêşniyarên Çareseriyê" pêk anî. Seroke Şaxa ÎHD'ê ya Amedê Prz. Abdullah Zeytun, Pispore Pêşxistin û perwerdehiya Zarokan û Esin Koman, Pispora Xizmeta Civakî Gulperî Gunduz, Cîgira Seroka Baroya Amedê Gazal Bayram Koluman, Rojnameger Burcu Karakaş û Gokçer Tahîncîoglu mijar pêşkêş kirin.
Seroka Rêveberiya Vakfa Alîkariya Mirovî û Koçberiyê Prz. Selvî Tunç, diyar kir ku her sal der barê mafê zarokan re raporan amade dikin û wiha got: "Di xebatên zarokan de em rastî tabloyên dijwar tên. Me ew qas texmîn nedikir ku dijwarî zede bin. Ji ber ku îhlalên zarokan roj bi roj zêde dibin me ev panel pêk anî. Em dixwazin di pergala hiqûqêde pêşniyarên çareseriyê pêş bixin. Niha zarok bêparastin û bê star hatine hiştin."
POLÎTÎKAYÊN EWLEKAR ZAROK KUŞTIN
Serokê Şaxa ÎHD'ê ya Amedê Prz. Abdullah Zeytun, jî li ser îhlalên zarokan rawestiya û wiha got: "Piştî OHAL hat ilankirin û kolan hatin qedexekirin 7 zarok hatin kuştin. Sedema kuştina zarokan polîtikayên ewlekariyê ne. Ji ber van polîtîkayan îhlal qat bi qat zêde bûn. Di 2015’an de li Amedê di qedeşeya 9 rojan de Helîn Şen, dema çû derve nan bistine, ji maşîneya zirxî gule berdanê û jiyana xwe ji dest da. Dosya 3 salin didome. Helîn piştî birîndar bû 2 saetan li kolanê li heviya ambulansê hat rawestandin. Ji ber ambulans nexistin kolanê Hêlîn jiyana xwe ji dest da. Heta niha li gel ku kujer kîye diyar e jî her dem bi hinceka ewraqê kêm di dosyayê de hene doz tê taloqkirin. Dozgr malbatan dide rawestandin û heviyên wan sar dikin. Di van dosyayan de em dibînin ku daraz li diji zarokên kurdan ên di pevçûn û qedexeyan de birîndar bûne û jiyana xwe ji dest dane çawa nêzîk dibin. Di şertên pevçûnê de daraz wekî çekê tê bikar anîn. Ji xeynî dosyayên hatine vekirin gelek zarok bi awayekî bê daraz hatin înfazkirin û dosya der barê wan de nehatin vekirin."
ZAROK NE MALÊ TU KESÎ NE
Pispora Perwerde û Pêşketina Zarokan Esîn Koman jî li ser mijara avakirina rojeva zarokan rawestiya û wiha got: "Ji bo mafê zarokan me ‘Komeleya Rojeva Zarokan' ava kir. Me bi vê yekê xwest mafê zarokan biparêzin û peş bixin. Zarok ne male tu kesî ne.
Pispora Xizmetên Civakî Gulperî Gunduz ji li ser îhlala mafan û çareseriye rawesitya.