ANTALYA - Komîsyona Girtîgehan a Şaxa ÎHD'ê ya Antalya, piştî bi 4 girtiyên li Girtîgeha Tîpa L a Alanya yên ketine greva birçîbûnê re hevdîtin kir, der barê rewşa girtiyan de agahî da. Komîsyonê destnîşan kir ku kontrola tenduristiya girtiyan nayê kirin û vîtamînên pewist nadin girtiyan.
Berxwedana Hevseroka KCD'ê Leyla Guven di roja 96'emin de berdewam dike. Berxwedana li zindanan ku zêdeyî 300 girtî ketine grevê di roja 58'an de berdewam dike. Çalakiyên li Ewropa di roja 57'an de û ya Nasir Yagiz jî di roja 83'emîn de berdewam dike. Li Girtîghea tîpa L a Alanyayê jî bi heman armanc û daxwazê 4 girtî di grevê de ne. Girtiyên ku bi armanca rakirina tecrîdkirina Rêberê PKK'ê Abdullah Ocalan ketine greva birçîbûnê ya bêdem û bêdorveger rastî binpêkirina mafan tên. Komîsyona Girtîgehan a Şaxa ÎHD'ê ya Antalya, piştî bi 4 girtiyên li Girtîgeha Tîpa L a Alanya yên ketine greva birçîbûnê re hevdîtin kir, der barê rewşa girtiyan de agahî da. Komîsyonê destnîşan kir ku kontrola tenduristiya girtiyan nayê kirin û vîtamînên pewist nadin girtiyan. Komîsyona ÎHD'ê li Girtîgeha Tîpa L a Alanya bi girtî Mesut Canbey, Ramazan Sayan, Nevîn Gokçe û Zelal Başboga re hevdîtin kirin û rapor amade kirin. Komîsyonê diyar kir ku li gorî hevdîtinê girtiyên ku ketine grevê û nexweş nayên dermankirin. Komîsyonê di raporê de destnîşan kir ku 6 mehin sewqa revîran nehatiye kirin û wiha cih da raporê: "Parêzerên ÎHD'ê di 5'ê Çile de bi Canbey, Sayan, Gokçe û Başboga re hevdîtin kir. Girtiyên ku dermankirina bi kelepçe qebûl nakin nayên dermankirin. Disa rastî cezayê dîsîplînê tên. Di bin navê lêgerinê de bi ser o deyên wan de digirin û girtî rastî tundiya derûnê tên."
BI DERFETÊN XWE TANSIYONAN DIPÎVIN'
Komîsyonê da zanîn ku parêzer bi Nevin Gokçe re hevdîtin kirine. Li gel ku girtiyan roja ketin grevê xwestin wan bibin revîrê û kontrola tenduristiyê bikin ew nebirin revîrê û kontrola tenduristiyê nekirin. Gokçe, diyar kir ku wecê bijîşkan nedîtine û vîtamînên B1 nadin wan. Li gel ku wan vîtamîna B1 xwestiye jî ev vîtamîn nedaye wan. Niha bi derfetên xwe û alikariya hevalên xwe yên kawişê tansiyonan dipîvin. Hasasiyeta bêhnê ya girtiyan zêde bûye."
Komîsyonê da zanin ku wan bi Zelal Başboga re jî hevdîtin kiriye û Başboga destnîşan kiriye ku tenê av, xwê û şekir didin an. Başboga jî anî ziman ku vîtamîna B1 nadin wan. Girtî Ramazan Sayan jî diyar kiriye ku piştî ketin greva biçîbûnê cezayê dîsîplînê li wan biriye. Mesut Canbey jî anî ziman ku niha daketiye 59 kiloyan û heta niha ruyê doktor nedîtiye.
GIRTÎ: SERKEFTIN YA ME YE
Komîsyonê peyama 4 girityên ku ketine grevê jî parve kir. Komîsyonê destnişan kir ku girtiyan gotiye “Kengî tecrîda li ser Rêberê me bi dawî bû wê demê emê çalakiya xwe bi dawî bikin. Ji bo aştî, demokrasî û edalet were vî welatî me dest bi vê çalakiyê kiriye. Em dê bi berxwedana xwe bi ser bikevin. Serkeftin wê ya me be."
Komisyonê herî dawî destnîşan kir ku bi rêk û pêk vîtamîn nadin girtiyan û girtiyan di kontrola tenduristiyê re derbas nakin. Komîsyonê anî ziman ku girtî pirsgirêka paqijiyê dijîn û di nava şertên qirêj de dijîn û wiha cih da raporê. "Gardiyan dema li kawîşan lêgerîn dikin, bi taybetî li ser girtiyên jin zextên derûnî dimeşînin. Dema girtî bi nivîskî serledan dikin zextên li ser wan zêdetir dibin. Bi taybeti girtiyên ketine grevê divê pirsgirêkên wan ên tendristi çareser bibin û vîtaminan bidin wan. Ji ber vê yekê heyetek dive bi rêveberiya girtîgehê re hevditin bike."