NAVENDA NÛÇEYAN - 12 tor û hevpeymaniyên Iraqê bi daxuyaniyek hevbeş bang kirin û xwestin çalakvan û rojnamegerên ku li herêma Behdînan ji ber raperîna gel a li dijî baragehên eskerî yên Tirkiye hatin binçavkirin, bên berdan û gotin: "Yên ku çalakger binçav kirine qanûn binpê kirine. Çalakger li gorî zagonan tev geriya ne." 

 

12 tor û hevpeymaniyên Iraqê têkildarî rojnameger û çalakvanên li herêma Behdînan ji ber raperîna gel a li dijî qereqol û baragehên eskerî yên Tirkiye hatin binçavkirina daxuyaniyekî hevbeş dan. Tor û hevpeymaniyan di daxuyaniyê de anîn ziman ku çalkavanan mafê zagonî pêk anîne û wiha gotin: "Nabe xelkê çalakvan li ser niyeta rêxistina xwepêşandana ku mafekî destûriye werin girtin û bi madeya 156 a yasayê ceza yê Iraqê ya hejmara 111 ya sala 1969'an sûcdar bikin. Ev ceza li Iraqê ji bo darvekirinê ye û li Herêma Kurdistanê cezayê hetaheta ye. Li gorî me ne ew kesanê li gorî vê madeyê sûcdarin, kesên ku ew kes binçavkirine, binpêkirina mafên destûrî ye, ew jî mafê rêxistinkirina xwepêşanane û nerazîbûnên bi awayekî aştiyane ye. Em daxwazê dikin ku binpêkirinên li ser yasa û astengiyên li ser azadiya xweifadekirinê bi dawî bibin. Hemû kesên hatine girtin werin berdan.

 

Tor û hevpeymaniyên Iraqê yên daxuyanî dane wiha ne: 

 

Navenda Metro ya ji bo parastina mafên rojnamegeran

 

Tora Şems a ji bo çavdêriya hilbijartinê

 

Tora Dadperwerî ya Behdînan

 

Hevpeymana Azadîxwaz

 

Hewbenda Rahênana Mafên Mirovan

 

Tora Iraqê ya ji bo mafê zarokan

 

Tora Hevpeymana ji bo kêmneteweyan a li Iraqê

 

Tora Mirov ji bo girîngîdana tendirustiyê

 

Tora Şefafiyekê ji bo Pîşesaziyê

 

Tora Pêşîlêgirtina Bazirganiya bi mirovan

 

Hevpeymana 1325

 

Tora Jinên Iraqê