WAN - Rêveberiya Girtîgeha Tîpa T a Tokatê, girtiyan bi hincetên cuda ji qawîşan derdixin û davêjin hucreyan. Ji girtiyan Cebrail Vural, diyar kir ku ji ber agahiyê ji hevalên xwe nagirin di nava fikaran de ye û serî li şaxa ÎHD'ê ya Wanê da. 

 

Rêveberiya Girtîgeha Tîpa T a Tokatê girtî Ferdî Dayan û Behnam Sadikî yê Îranî ji qawîşê derxistin û avêtin yek hucreyê. Ji girtiyên Girtîgeha tîpa T a Tokatê Cebrail Vural, ji ber ku agahiyê ji hevalên xwe nagire bi fikare e û serî li Şaxa ÎHD'ê ya Wanê da.  Vural name ji ÎHD’ê re şand û diyar kir ku der barê jiyana Sadikî û Duman de bi fikar e. Vural, di nameyê de diyar kir ku çend mehên dawî bi hincetên cuda girtiyan ji kawîşan derdixin û davêjin hucreyan an jî sewqî girtîgehên din dikin û wiha got: "Mehek berê  gotin 'Biryara Sefaretxaneya Îranê û Wezareta Dadê ye" Sadıkî yê Îrane ji kawîşê derxistin. Hevalê me Behnam Sadıkî piştî hefteyekê di hucreyê de hiştin ew sirgûn kirin. En nizanin birine ku. Malbata wî û Sefaretxaneya Îranê diyar kirin ku tu daxwaz û serlêdanek wisa tune ye. Tu bingeha van hincetên wan tune û bi temamî keyfî ye." 

 

GIRTIYÊN DERKETIN HEVDÎTINÊ DÎSA VENEGERIYAN

 

Vural, anî ziman ku di 10'ê Çile de Ferdi Dayan derket hevditinê û carek din paşve venegeriya û wiha got: “Ziyareta hevdîtinê saet di navbera 09.00 – 10.00'an de ye. Saetek hevdîtin e. Piştî saetek di ser hevditinê re derbas bû nehat. Me ev yek bi rêveberiya girtîgehê re parve kir. Me fikarên xwe anîn ziman. Heta saet 03.30’an tu agahî ji mere nehat. Piştî israrên me yên zêde personelek hat û diyar kir ku hevalê me nexwestiye bê odeyê. Lê ger ku daxwazek hevalême hebûya diviya bû bianîna odeyê û ev daxwaza xwe li ruyê me gotibûya. Me xwest hevalê me vê daxwaza xwe li ruyê me bêje. Lê ev hevalê me nişanî me neda. Niha jî em nizanin ev hevalê me li ku ye."

 

EM BI FIKAR IN

 

Vural,  herî dawî destnîşan kir ku ji jiyana hevalê xwe bi fikar in û wiha bi dawî kir: "Vîna mirovan li ber çavan nayê girtin. Pêkanînên li dijî hiqûqê hene. Ev pêkanîn zêde me dixin nava fikaran."