AMED - Hevseroka KCD’ê Leyla Guven a di roja 113’an de çalakiya xwe ya greva birçîbûnê berdewam dike, bi boneya 8’ê Adarê Roja Jinên Cîhanê bang li jinan kir û got: “Divê jin bihêz beşdarî 8’ê Adarê bibin.” 

 

Nûnerên sazî û dezgehên gelek welatên biyanî û cihên cuda yên Tirkiyeyê, Hevseroka KCD’ê Leyla Guven a çalakiya xwe ya greva birçîbûnê berdewam dike, ziyaret kirin. Serdanên mala Guven berdewam dikin. Ji Stenbolê, jinên femînîst Firdevs Hoşer, Kamîle Dînçsoy, Şengul Yuksel, Gulîz Saglam, Ozgul Sakî, Songul Aydin û Haticî Odenmîş hatin Amedê, Guven li mala wê ziyaret kirin. 

 

‘DIVÊ TIRKIYE QANÛNÊN XWE BI CIH BÎNE’

 

Ji jinên femînîst Fîrdews Hoşer ên Guven ziyaret kirin, diyar kir ku Guven pir bi moral bû û ji bo vê keyfxweşiya xwe anî ziman. Ziyaretvanan xelat bi xwere anîbûn dan Guven. Leyl Guven di serdanê de, axivî û serdanên piştevaniyê moral didin wê. Guven, diyar kir ku armanca wê ewe ku Tirkiye hiqûqên xwe bi cih bîne.  

 

‘DIVÊ JIN BIHÊZ BEŞDARÎ 8’Ê ADARÊ BIBIN’

 

Guven, da zanîn ku hîna 16 salî bû, bi rêbaza xwazgîntiyê zewiciye û wiha bilêv kir: “Dema min ev têkoşîn nas kir, min got ez jî heme. Roja ku min têkoşîn nas kir, ligel hemû astengî, bêhiqûqî û tundiyê jî, her roj ez azadtir bûm. Tecrîda mûtlaq, hewldana kuştinê ye. Ji bo ku em bêjin ji vê re êdî bese, em dest bi vê rêyê kir. Divê jin bihêzek mezin beşdarî 8’ê Adarê Roja Jinên Cîhanê ya nêz dib, bibin.”

 

 ÇALAKÎ BERDEWAM DIKIN 

 

Piştî Guven, bi heman daxwazê li girtîgehên cuda yên Tirkiyeyê, girtiyan di 16’ê Kanûna 2018’an de dest bi greva birçîbûnê ya bêdem û bêdorveger kirin. Çalakiya greva birçîbînê ya 317 girtiyan di roja  62’yemîn de berdewam dike. Greva birçîbûnê ya Hevseroka Giştî ya Partiya Herêmên Demokratîk (DBP) Sebahat Tûncel û Parlementera HDP’ê ya berê Selma Irmak di roja 45’an de didome. 

 

Dîsan, li Herêma Kurdistana Federal, çalakiya endamê Nûnertiya HDP’ê yê Hewlêrê Nasir Yagiz di roja 100’an, çalakiya li Strasbûrg û Îmam Şîş a li Galler, di roja 74’an de berdewam dikin.