* Otobêsa hilbijartinê ya HDP'ê, bi ked û tahbeke mezin tê amadekirin. Ji ajovanê wê bigire heta kesên anonsê û ji koma teknîkê bigire heta çapemeniyê dibêjin: "Wexta em çav bi ronahiya di çavê zarokan û hêviya di çavên dayikan de dikevin, bi tu awayî betlandin nayê bîra me."
* Remziye Karagoz ku li Taxa Mûradiye ya navçeya Rezanê, navê xwe li ber keyatiyê danî, diyar kir ku tevî hemû gefan jî wê navê xwe daniye û got: "Naxwazim jin bên eciqandin. Ez ê bi ser bikevim."
* Akademîsyen Fatma Bostan Unsal, anî ziman ku ji bo pêkanîna qanûnan mirov bedena xwe didin ber birçîbûnê û ev ji bo vî welatî şermeke mezin e. Seroka Giştî ya Komeleya Mafên Civakiyî Melda Onûr jî destnîşan kir ku divê îktîdar xwe li bêdengiyê daneyne.
* Wê fîlmê "Tebeşî" ê mamoste Ozge Astan ku bi KHK'ê hat îxrackirin, di Mîhrîcana Fîlmên Kurdî de bê nîşandan. Astan, bilêv kir ku wê xwestiye dengê xwe ragihîne û got: "Ji me re gotin 'hûn nikarin mamostetiyê bikin.' Me jî bi vî fîlmî got em hene."
* AKP, li navçeya Basa ya Şirnexê hewl dide bi pereyan dengan bikire û li ser ÎŞKÛR’ê gefa ji kar avêtin li mirovna dixwe.
* Jinên Kedkar, ji bo Leyla Guven gotin: "Leyla Guven, jineke ji çîna me ye, hevrêya me ye. Divê bijî."
* Taksîvanên Stenbolê diyar kirin ku ji ber krîza aborî karê wan ji sedî 50 kêm bû. Taksîvan Coşkun Kar, anî ziman karê wan ji sedî 50 kêm bû û wiha got: "Qezençkirina pereyan êdî ketiye mîdeya şêr. Taksivan Abdulhalim Ekincî jî anî ziman ku mehek e qezenç nakin.
* Serdozgeriya Komarê ya Dadgeha Bilind daxuyandibû ku ew ê 4 partiyên kurd bigirin. Yek ji van jî PAK e. Serokê Giştî yê PAK'ê Mûstafa Ozçelîk, bertek nîşanî vê biryarê da û diyar kir ku madeya der barê hebûna kurdan û zimanê kurdî ya di rêziknameya partiya wan de wekî "nîjadperestiyê" hatiye wesifandin.
* Hevseroka HDP'a Edeneyê Gulseren Tûral, anî ziman ku ew û hêzên demokrasiyê hewl didin bi îtifaqa AKP-MHP'ê bidin windakirin. Tûral, bilêv kir ku ji bo piştî 31'ê Adarê zemîneke demokrasiyê çêbibe, têdikoşin.
* Derûnasê girtîgehê, li malbata nivîskar Îlhamî Çinar ku li Girtîgeha Şakranê di greva birçîbûnê de ye, geriyaye û gotiye: "Ji kurê xwe re bêjin bila dev ji çalakiyê berde." Çinar jî, ji malbata xwe re got, name û rojnameyê andin wan.
* Namzetên HDP'ê yên Kerboranê Mevlude Çelebî û Ahmet Încî, bal kişandin ser texrîbata qeyûman û gotin: "Ji ku hatibin em ê wan bişînin wir. Em ê bibin dermanê derdê gelê xwe."
* Jin dê bi tevlêbûna Hevseroka Giştî ya HDP'ê Pervîn Buldan li Otela Elit World'ê rapora Qeyûmê aşkere bike. (11.00)
*Hevserokê Giştî yê HDP'ê Sezaî Temellî, dê beşdarî vekirina buroya hilbijartinê ya Çewlîgê bibe. (13.00)
* Şaxa ÎHD'ê ya Îzmirê dê rapora binpekirina mafan a herêma Egeyê bi raya giştî re parve bike. (13.00)
* Rêxistina HDP'ê ya Enqereyê dê bi wesîleya 8'ê Adarê li avahiya partiya xwe civîna çapemeniyê pêk Bîne. (11.00)
* Li navçeya Hezex û Cizîrê yên Şirnexê dê bi minasebeta 8'ê Adarê şahî bên li dar xistin. (13.00)
* Jinên Rojnameger dê ji bo 8'ê Adarê Roja Jinan a Cîhanê bêjin “Jin rawestin jiyan radiweste" li şaxa ÎHD'ê ya Stenbolê daxuyaniyê bidin çapemeniyê. (13.00)
*Komeleya Jinan a Rosa, ji bo ku tora tundiyê ji raya giştî re eşkere bike, dê li Cemiyeta Rojnamegerên Guneydogu daxuyanî bide çapemeniyê. (12.30)
*Li navçeyên Cizîr û Hezex ên Şirnexê, dê şahiyê 8'ê Adarê Roja Jinên Cîhanê bên lidarxistin. (13.00)
*Serokê Giştî yê TÎP'ê Erkan Baş, Endamê MYK'ê Bariş Atay û rêveberên partiyê, dê Leyla Guven û avahiya HDP'ê ya Bajêr ziyaret bikin. (14.30-15.30)
*HDP, dê li Mêrsîn û Edeneyê xebatên hilbijartinê bi reve bibe. (17.00-21.00)
*HDP, dê li Mêrdîn û navçeyên wê xebatên hilbijartinê bi rêve bibe.