STENBOL – Hevseroka  Giştî ya HDP'ê Pervîn Buldan di çarçoveya xebatên hilbijartinê de li navçayên Bahçelievler û Esenyurtê bi gel re hat cem hev. Ziyareta Buldan a Esenyurtê vegeriya mîtîngê. Buldan, li vir xitabî gel kir û got: “Piştî AKP  biçe dê bêhna welat bê ber."

 

Hevseroka Giştî ya HDP'ê Pervin Buldan, di çarçoveya xebatên hilbijartinê de li navçeyên Bahçelievler û Esenyurtê bi gel re hat cem hev. Rêxistina HDP'ê bi tevlêbûna Hevseroka Giştî ya HDP'ê Pervîn Buldan li taxa Zaferê ya Bahçelievlerê û taxa Pinarê ya Esenyurtê gel ziyaret kir. Buldan û rêveberên HDP'ê bi coşek mezin û girseyî hatin pêşwazîkirin. Beriya heyeta HDP'ê biçe taxa zafer a Bahçelievlerê bi hezaran kes kom bûn. Girsê li taxê govend gerand û dirûşmeyên “Leyla Guven  rûmeta me ye", “Em dê bi berxwedanê bi ser bikevin" û “Zext me têk nabin" berz kirin. Welatiyên li avahiyên derdorê jî bi heman dirûşmeyan bersîv dan. Li vir Hevserokê HDP'ê yê Stenbolê Cengiz Çiçek û berdevkê HDP'ê Saruhan Oluç, li ser girîng û wateya 31'ê Adarê axivîn.  Hevseroka Giştî ya HDP'ê Pervin Buldan jî bi coşek mezin hat pêşwazîkirin. 

 

Buldan, diyar kir ku wê ji Şirnexê silavên germ anîne û wiha got: “Coş û moralê wan pir mezin bû. Li vir jî heman coş û kelecan heye. Biryar heye. Ev peyama serkeftinê ye. Peyama ku dê AKP’ê bişînin e. Ev sekn û biryar nîşan dide ku em dê di 31'ê Adarê de bi ser bikevin. AKP’ê di 16 salên xwe de ji xeynî zilmê tiştek nehatî vî welatî. Tu carî daxwazên gelê kurd, jinan û ciwanan nedît. Her dem înkar kirin. Em diçin ku gel dibêjin 'Me bilêta qeyûm biriyî ye em dê wan bişînin'.  Ji ber ku me li bajarên Rojava namzet nişan nedan û namzetên Hêza Yekbûyî me nîşan da AKP wan dike hedef. Kesên li dijî îtîfaqa AKP MHP'ê kesên aştî û demokrasiyê dixwazin in. AKP ji bo ku ji edalet, aştî demokrasiyê ditirsin êrîş dikin."  

 

‘TEQEZ EMÊ TERCÎDÊ BIŞKÎNIN'

 

Buldan, bal kişand ser êrîşa li diji wekil û partiyê û wiha berdewam kier: "Li şûna bipirsin çima hevalên me ketine greva birçîbûnê, êrîş dikin. Leyla Guven û û hemû hevalên me bedena xwe dane ber mirinê. Li Îmraliyê 3 salin tecrîda mutlaq heye. Divê daxwaza hevalên me yên li girtîgehê ketine grevê li ber çavan bên girtin. Tecrîd sûcê mirovahiyê ye. Hevdîtina malbat û parêzeran a bi Birêz Ocalan re mafê herî rewa, zagonî û hiqûqî ye. Lê Wezareta Dadê vê zagon û hiqûqê îhlal dike. Lê ew çi bikin bila bikin , emê teqez tecrîdê bişkînin. Tevî hemû astengiyên AKP’ê aştiya civakî dê bi ser bikeve." 

 

Buldan piştî ziyareta taxa Zaferê derbasî taxa Pinarê ya Esenyurtê bû. Gel bi muzîk û govendê Buldan pêşwazî kir. Dîsa dema Buldan hat bi hezaran kes kom bûn û Buldan bi fîşekên hewayî pêşwazî kir. Girsê bê navber dirûşmeyên “Em dê bi berxwedanê bi ser bikevin", “Bijî Serok Apo” û “Leyla Güven rûmetea me ye" berz kirin. 

 

Buldan piştî bi caş û hezkirinek mezin hat pêşwazîkirin li vir gel silav kir. Em îro li Stenbolê ne. Ji bo em li Stenbol û Enqere bi AKP'ê bidin windakirin em hatin. Êdî xew nakeve çavê AKP'ê. Em bûn xexnê şevên rêveberên AKP'ê. 

AKP 16 salin nikare welat bi rêve bibe. Hemû şaredari xistine bin deynan. Yên ji mere divê 'Hûn vî welatî perçe dikin' em dibêjin dijberî vê yekê ev fraseta we welat perçe dike. Li Stenbolê ji bo pêşeroja Tirkiye HDP û Yekîtiya Hêza demokratîk dê bi hevre deng bidin. Stenbol ne mohtacê AKP’ê ye. Gelê Stenbolê dê vê carê helwesta xwe diyar bike. 

 

LEYLA GUVEN RÛMETA ME YE

 

Buldan, anî ziman ku Leyla Guven 123 rojin di greva birçîbûnê de ye. Dema Buldan qala Guven kir girsê bê navber dirûşmeya “Leyla Guven rûmeta me ye" berz kirin. Buldan, anî ziman ku ew bawer dikin ku dê li Esenyurtê hêza gelan bi ser bikeve û li Stenbol, Enqere û Mûşê li her derê we dê bi ser bikevin. 

 

LI PÊŞ GIRTÎGEHA BAKIRKOYÊ MEŞIYAN

 

Li aliyê din Rêxistinai HDP'ê ya Stenbolê û Navçeya BAkirkoyê bi tevlêbûna Hevserokê Stenbolê ji ber avahiya HDP'ê ya Bakirkoyê heta Girtîgeha Jinan a Bakirkoyê meşiyan. Berdevkê HDP'ê Saruhan Oluç, Parlamentera HDP'ê Remziye Tosun û Hevserokê HDP'ê yê Stenbolê Cengiz Çiçek, Esengül Demir û gelek rêveberên HDP'ê tev li meşê bûn. Girsê bê navber dirûşmeya "Leyla Guven rûmeta me ye" berz kirin. 

 

Li vir daxuyani bi dirûşme û çepikan bi dawî bû.