AMED – Bi hêceta xebatên KÎD’ê û axaftinê kirine bi daxwaza cezayê heta 15 salan doz li Namzetê HDP’ê yê Hevşaredariya Artukluyê Prof. Dr. Nurettîn Turgay hat vekirin.
Di 9’ê Cotmeha 2018’an de li operasyona navenda wê Amedê bû operasyon li gelek li bajaran pêk hat û gelek siyasetmedar û rojnameger hatibûn binçavkirin. Di operasyonê de Namzetê HDP’ê yê Hevşaredariya Navçeya Artuklu Prof. Dr. Nurettîn Turgay jî hatibû binçavkirin û pişt re hatibû berdan. Lêpirsîna Turgay temam bû. Serdozgeriya Komarê ya Amedê ji ber xebatên Kongreya Îslama Demokratîk (KÎD) ku wek sûc hatin dîtin doz li Turgay vekir û îdaname amade kir û şand 9’emîn Dadgeha Cezayê Giran a Amedê. Dadgehê îdanameyê qebûl kir.
Agahiyên der barê sazûmankiriya PKK/KCK’ê de di îdanameyê de cih girtin û behsa Kongreya Civaka Demokratîk (KCD) jî wek “organê qanûnçêker qaşo a rêxistinê” hat kirin. Hat diyarkirin ku Turgay di nava KÎD’ê ya pêkhateya KCD’ê ye xebat birêve biriye.
Telefona Turgay hatiye şopandin û daxuyaniyên wê yên ji bo televîzyona kurdî wek sûc hatiye dîtin û li ser armanca PKK/KCK’ê xebitiye û li dijî dewletê û gelê tirk xwestiye têgihandinê çê bike. Dozger di idanemeyê de ida kir ku Turgay xwestiye kîn û nefretê birêve bibe û her kesî li hember dewletê sar bike.
PEYAMA HDP’Ê KIRIN SÛC
Di îdanameyê de peyama telefonê ya HDP’a Amedê jî ku di telefona Turgay de hebû wek sûc hat nîşandan. Balkêş e ku di idanemeyê de cih dane îxbarên der barê Turgay ku dem ali Zanîngeha Dîcleyê wezîfedar bû û têkiliya wî bi PKK û FETO re girêdan e.
HEVPEYVÎN SÛC HATIN DÎTIN
Turgay ê di hilbijartina 24’ê Hezîrana 2018’an de li Îzmîrê namzetê HDP’ê bû û hevpeyvîna wî ya der barê hilbijartinê de jî sûc hat dîtin. Nêrîn û daxuyaniyên Turgay ên der barê operasyona Efrînê de jî sûc hat dîtin û hat gotin li ser navê rêxistinê axiviye.
15 SAL CEZA TÊ XWESTIN
Di îdanameyê de bi hêceta “Endamê rêxistinê ye” ji 7 sal û 6 mehan heta 15 salan cezayê hepsê ji Turgay re tê xwestin.