Komîsyona Şopandina Girtîgehan a Baroya Amedê ku li Kampusa Girtîgeha Xarpêtê bi girtiyên Girtîgeha Ewlehiya Bilind a Hêjmar 1 û 2 yên Xarpêtê û Girtîgeha Jinan a Xarpêtê hevdîtin kir, piştî hevdîtinê rapor amade kir. 

Komîsyonê rapora “Îhlalên mafan ên çavderiyên wan ên der barê greva birçîbûnê de" bi raya giştî re parve kir. Komîsyonê anî ziman ku li girtîgehên navborî piştî çalakiyên greva birçîbûnê yên girtiyên siyasî dest pê kir, bi ramanca rewşa tenduristiya girtiyan bişopînin, tespît bikin û di vê pêvajoyê de li gorî serlêdanan çûne li girtîgehê lêkolîn kirine û kirine rapor. Komîsyonê anî ziman ku wekî heyetae ku ji endamên Komîsoyna Şaxa ÎHD'ê ya Amedê pêk tê di 6'ê Adarêde li girtîgehê bi 10 girtiyan re hevdîtin kirine.  Heyetê bi çalakgerên greva birçîbûnê yên di girtîgeha Hêjmar 1 a Xarpêtê Harun Alkan, Murat Ergen, Metin Serhat, Zana Şeker û girtiyên Girtîgeha Hêjmar 2  Ahmet Tekin, Yasin Gungor, Necip Ozdîl, Cengaver Aykul, Reşit Teymur û Girtîgeha Jinan a Xarpêtê Diclenur Ozdemir re hevdîtin kirine. 

 

TESPÎTÊ HEYETÊ

 

Komîsyona Çavdêriya Girtîgehan a Baroya Amedê wiha ye. 

 

HEWLDANÊN LÎSTIKAN 

 

Di hevditinên bi girtiyên li Girtîgehên Hêjmar 1 û 2 yên Ewlehiya Bilind ên Xarpêtê de koma girtiyên ku di 16'ê Kanûna 2018'an de dest bi greva birçîbûnê ya bêdem û bêdorveger kirine, heta 06'ê Adara 2019'an ketine roja 81'emîn. Ji bo kontrola tenduristiya wan bi rêk û pêk hekîm naçe wan kontrol nake. Kontrola kilo û tansiyonan her roj tê kirin, kontrola giştî li koorîdorê tê kirin. Lê gardiyan her dem zextên tundiya derûnî li ser wan dimeşîne. Ji bo girtî dawî li grevê bînin zorê li wan dike. Gardiyan dikevin nava hewldanên provokatif. Ev hewldanên gardiyanan hêj didomin. 

 

Girtiyên koma ewil ên di 16'ê Kanûna 2018'an de ketine grevê di milê tenduristiyê de hatine asta krîtîk. Ji ber vê yekê pir kilo winda kirine. Serêşî û sergêjiya bi wan re zêde bûye. Dîsa pirsgirêka dîtinê li ser wan zêde bûye. Bêhalî bi wan re çê bûye û nikarin zêde li ser piyan rawestin. Hevsengiya xewê xera Bûye.

 

VÎTAMÎNA B1 NADIN WAN

 

Bi girtiyên Girtîgeha Jinan a Xarpêtê re jî hevditin hat kirin. Li Girtîgeha Jinan di 01'ê Adara 2019'an de 2 jin ketine greva birçîbûnê. Heta 06'ê Adara 2019'an girtiyên ketin grevê di roja 6'an de berdewam dike. Kontrola tensiyon û kîloyan bi rêk û pêk tê kirin. Lê heta niha vîtamîna B1 nedane wan. 

 

Li Girtîgeha Hêjmar 1 a Ewlehiya Bilind a Xarpêtê jî di 25'ê Sibatê de li 2 girtiyan îşkence hatiye kirin. Girtî Lutfu Sonmez û Mazlum Deniz beriya ku derkevin xebatên sporê ji aliyê gardiyanan ve hatine rawestandin û gefa 'An hûnê di fermana me de bin an jî em dê li xin' Xariye. Piştî saetek şûnde gardiyan çûne odeya wan û ew birine odeyek bê kamera û li wan îşkence kiriye. 2 girtî nêzî 15 deqîqeyan rastî lêdanê hatine. Dev û ruyê Mazlum Deniz derb kirine û birîn kirine. Lutfi Sonmez jî ji ber lêdanê lêvên wî teqiyan e. Mazlum Deniz piştî rakirine nexweşxaneyê rapora lêdanê stendiye. Serledana sûc kiriye. lê Lutfu Sonmez neberine nexweşxaneyê. Têkildarî îşkenceya li girtiyan xwestine bi midûdê girtîgehê re hevdîtin bikin, lê destûr nedane ku bi midûr re hevditin bikin. 

 

MILÊ GIRTÎ ŞIKANDIN

 

Li Girtîgeha Hêjmar 2 a Ewlehiya Bilind a Xarpêtê jî di 01'ê Adara 2019'an de gelek girtiyan dest bi grevê kirine. Ji wê rojê û şûnde gardiyan di bin navê lêgerînê de girtî Nevzat Demir û Tahir Temel derb kirine. Di lêdanê de milê girtiyekî şikandine. Girti rasti lêdan û muameleya xerab hatine. Piştî li girtiyan dane girtî xistine odeya yek hucreyê. 

 

Li gori komîsyona çavdêrdiyê girtiyên di 16'ê Adara 2018'an de ketine grevê heta îro (15.03.2019 )90 rojin di grevê dene û tenduristiya wan di rewşa krtîtîk de ye. 

Di encamê de kontrola tenduristiya bi rêk û pêk nayê kirin. Girtiyên di grevê de tenduristiya wan di asta krîtik de ye. Dîsa ji bo girtiyên li girtîgehê rastî lêdanê hatine ji bo lêpirsîna îdarî û darazî bê destpêkirin, divê Wezareta Dadê û Komîsyona Mafên Mirovan a TBMM'ê divê lêpirsînê bidin destpêkirin.