Eskeran bi fermana dozgeriya Komarê ya Bedlisê di 19'ê Kanûna 2017'an de 267 cenazeyên endamên PKK’ê, bêyî agahiyê bidin malbatan ji Goristana Xerzanê ya Oleka Jor derxistibûn û ji bo testa DNA'yê biribûn Saziya Tipa Edlî ya Stenbolê. Di nava demê de 5 cenaze teslîmî malbatan kirbûn. 262 cenaze jî bi sedema testa DNA ne diyare di Adara 2019’an de li Goristana Kilyos a Sariyerê defin kiribûn. Piştî cenaze birin Saziya Tipa Edlî ya Stenbolê û 5 malbatan cenazeyên xizmên xwe girtin, 30 malbatên din jî bi armanca DNA diyar bibe serî li Saziya Tipa Edlî dan. Ji 30 malbatan testa 11 malbatan a DNA û cenazeyan li hev hatibûn. 11 malbatên testa DNA diyar bû serî li Serdozgeriya Komarê ya Stenbolê dan û dozger biryar da ku cenazeyan bidin malbatan. Malbat piştî vê yekê ewraqên xwe birin û serî li Midûriyeta Goristana Zincirlikuyu dan û ji wir derbasî Goristana Kilyos a Bêkesan bûn. Ji 11 malbatan 10 malbatan cenazeyên zarokên xwe girtin. Cenazeyê Huseyin Doner jî bi hinceta ewraq kêm in û hêj ewraq negihiştine destê rayedaran teslîmî malbatê nekirin.

 

 

Piştî ATK'ê cenaze teslîmî 10 malbatan kir û malbatan hestiyê cenazeyên zarokên xwe li warên wan spartin axê, Komeleya Piştevanî û Alîkariya Kesên Xizmên Xwe Winda Kirine ya Anadolu (ANYAKAY-DER) li Stenbolê şîn danî. ANYAKAY-DER'ê li avahiya HDP'ê ya Bagcilar a Stenbolê şîn danî û sersaxiyan qebûl dike. Parlamentera HDP'ê ya Rihayê Ayşe Surucu û gelek rêveber û endamên HDP'ê tev li şînê bûn. 

 

Cenazeyên teslîmî malbatan hatin kirin wiha ne: Ferhat Can (Ferhat Garzan), Burhan Altıntaş (Numan Tatvan), Fedakar Turan (Vecip), Faysal Bingol (Herekol), Mehmet Reşit Karakoç (Gabar) û Necla Karabay (Zekiye) li Navçeya Tetwanê ya Bedlisê defin kirin. Cenazeyên Ahmet Doner (Edip) û Behzat Yildirim li navçeya Hîzanê ya Bedlisê li Kanî Garzan defin kirin. Cenazeyê Muzeyyen Gordegirî (Berivan) li Êlihê û cenazeyê Nadire Elma jî li Navçeya Nisêbînê ya Mêrdînê defin kirin. 

 

Cenazeyên 252 kesan jî li benda serlêdana malbatan in.