ERZIROM - Neviyê Şêx Seîd Bedrî Firat, anî ziman ku xebatên ji bo yekîtiya neteweyî bûne cihê hêviyê. Firat, bal kişand ser girîngiya tevgerîna hevpar a partî û rêxistinên kurdan û got: "Çareserkirina pirsgirêkan bi kongreyeke neteweyî pêkan e".
Neviyê Şêx Seîd Bedrî Firat, xebatên ji bo yekîtiya neteweyî nirxand. Firat, anî ziman ku partî û rêxistinên kuran divê dev ji berjewendiyên xwe berdin û ji bo berjewendiyên gelê kurd bixebitin û got, divê gel yekîtiya neteweyî li siyaseta kurd ferz bike.
'XEBATÊN KONGREYÊ BÛN HÊVÎ'
Firat, destnîşan kir ku êrîşên li er destkeftiyên kurdan careke din girîngiya yekîtiya neteweyî aşkere kiriye û got, xebatên tên kirin û gavên tên avêtin pir girîng in. Firat, got: "Lihevkombûna nûnerên partiyên kurda cihê hêvî û kêfxweşiyeke mezin e. Çimkî çareserkirina pirsgirêkên herêmê ancax bi kongreya neteweyî pêkan e. A girîng ew e ku partiyên siyasî û rêxistinên kurda di vî warî de deklererasyoneke hevpar parve bikin. An jê wê gelê kurd bi polîtîkayên komkujî û koçberiyê yên mezintir re rû bi rû bimînin".
Firat, diyar kir ku li Kurdistanê her kes yekîtiya neteweyî esas digire û got, wesyeta hemû rewşenbîrên jiyana xwe ji dest dane jî yekîtiya neteweyî bûye. Firat, Tevgera Şêx Seîd jî wê demê ji bo yekîtiya neteweyî hevdîtin bi kurdên li Bakurê Sûriyeyê û Kurdistana Federe re çê kirine û got: "Niha firsendeke mezin di dest kurdan de heye. Ên vê firsendê ji bo berjewendiyên gelê kurd bi kar bîne, wê gelê kurd minetdariya wan bke. Lê belê ên xebatên kongreyê asteng bikin jî wê di nezda gelê kurda de di nav îxanetê de bên bicihkirin. Divê ne berjewendiyên dijminê kurdan, berjewendiyên gelê kurd esas bn girtin. Li hemberî kesên naxwazin kurd bibin yek, divê em bi peyama yekîtiya helwesta xwe nîşan bidin".
‘DIVÊ GELÊ KURD YEKÎTIYÊ FERZ BIKE'
Firat, destnîşan kir ku siyaseta kurd hêz û qewetê ji helwest û têkoşîna gel digire û got, divê gel jî daxwaz û xwestekên xwe yên ji bo yekîtiya neteweyî li siyaset kurd ferz bike. Firat, got: "Heger wisa bibe wê siyaseta kurd jî bi berpirsiyarî tev bigere û peywira xwe pêk bîne. Her wiha gelê kurd wê bi yekîtiyê êrîşan jî pûç bike. Yekîtiya gelê kurd wê neyê wateya zext û zoriyê ya li ser gel û baweriyên din. Li hemberî êrîşan divê em û gelên din jî ibbin yek. Divê em derfeteke wiha nedin wan. Loma divê partî û rêxistinên kurdan berjewendiyên xwe deynin kêlekekê û li gor berjewendiyên gel tev bigerin. Ji bo careke din komkujî û koçberî pêk neyên, divê em helwesta xwe ya li hemberî feraseta dagirke rnîşan bidin".
HEWLDANÊN OCALAN ÊN JI BO YEKÎTIYÊ
Firat, hewldanên Rêberê PKK'ê Abdullah Ocalan ên ji bo yekîtiya kurdan jî bibîr xist û got: "Birêz Ocalan, berpirsiyariya xwe pêk anî. Ocalan, tenê ne ji bo gelê kurd ji bo gelên din ên li herêmê jî peyamine girîng dane. Her çend pêşbîniyên Ocalan rast derdikevin jî lê belê aqlê dewletê wan qebûl nake.Li herêmê ji bo berjewendiyên gelan hemûyan tev digeriya. Nexasim jî di nameyên xwe yên ji Mesûd Barzanî û Celal Talabanî re şandin de, gotibû ji bo yekîtiya neteweyî ji her tiştî re heir e. Ocalan careke din samîmiyeta xwe ya di vî warî de nîşan da".
MA / Dîndar Karataş