Xizmên girtiyan û parazvanên mafên mirovan li Stenbol, Enqere û Îzmîrê daxuyanî dan çapemeniyê. Li gorî daneyên ÎHD'ê li Girtîgehan 457 jê giran bi giştî Hezar û 333 girtiyên nexweş hene. Girtiyên nexweş ji ber ku nayên berdan her ku diçin rewşa wan giran dibe. 

 

 

ENQERE 

 

Înîsiyatifa Ji Girtiyên Nexweş re Azadî ya Enqereyê di hefteya 286’an de li pêş Şaxa ÎHD'ê ya Enqereyê kom bûn û xwestin girtiyên nexweş serbest bên berdan. Di çalakiyê de Rojnameger Huseyin Aykol, nûnerên partiyên siyasî û xizmên girtiyan amade bûn. Xizmên girtiyan û parazvanên mafên mirovan di çalakiyê de pankarta “Ji Girtiyên Nexweş re Azadî" vekirin. Endama MYK'ê ya Şaxa ÎHD'ê ya Enqereyê Nuray Çevirmen, diyar kir ku di sala 2019'an de 30 girtiyên nexweş bi giştî 63 girtiyan li girtîgehan jiyana xwe ji dest dane. Çevirmen, anî ziman ku ger bê xwestin dikarin rê li pêş mirinên li girtîgehan bigirin û wiha got: "Hemû kesên jiyana xwe ji dest didin dikare rê li pêş wan bê girtin. Ger ku bên dermankirin û mudaxele li nexweşiyê bê kirin dikarin rê li pêş mirinê bigirin. Niha li Girtîgeha Tîpa L a Hêjmar 1 a Sîncanê nexweşê pençeşêrê Yusuf Yakşî heye. Niha Yakşî ji qiriqa xwe nefesê distîne. Divê Yusuf Yakşî li derve li cem mala xwe bê dermankirin. Ji bo hemû pirsgirêk bên çareserkirin divê hemû girtiyên nexweş serbest bên berdan." 

 

STENBOL 

 

Komîsyona Girtîgehan a Şaxa ÎHD'ê ya Stenbolê jî bi boneya  balê bikişînin ser rewşa girtiyên nexweş, xwestin di hefteya 414'an de li qada Galatasarayê kom bibin. Lê polîsan dîsa destûr nadin ku malbat çalakiyê li dar bixin. Piştî xizmên girtiyan û parazvanên mafên mirovan rastî astengiya polîsan hatin, vê carê li pêş Şaxa ÎHD'ê ya Stenbolê kom bûn û li vir daxuyanî dan çapemeniyê. Xizmên girtiyan wêneyên girtiyên nexweş bilimd kirin û pankartên “Tecrîd dikuje, piştevanî dide jiyandin" û “Bila girtiyê nexweş Ali Gulmez serbest bê berdan" vekirin. Parazvanên mafên mirovan bal kişandin ser rewşa girtiyê nexweş Ali Gulmez û xwestin Gulmez serbest bê berdan. Vasiya Alî Gulmez Sevîm Kalman, anî ziman ku Gulmez 54 salî ye û 21 salin girtî ye. Kalman, diyar kir ku girtiyên nexweş rastî pinpêkirinên pir dijwar tên û her kelî li wan dibe îşkence. Kalman, xwest hemû girtiyên nexweş bêne berdan û wiha got: “Her girtiyê ku rastî tecrîdê tê û bi tenê tê hiştin, rastî îşkenceya fîzîkî û ramanî tên. Tecrîd sûcê mirovahiyê û binpêkirina mafên mirovan e." 

 

Kalman, anî ziman ku Gulmez di 4 salên dawî de li Girtîgeha Tîpa F a Boluyê girtî ye û wiha li dawî kir: "Beriya bînin Boluyê her dem tedawiya wî dihat astengkirin. Ji ber şertên Girtigeha Bolu bi nexweşiya zekem û arsimê ketiye. disa nexweşiyên gurçikê derketine. Divê bi lez serbest bê berdan." 

 

 

ÎZMÎR 

 

Şaxa ÎHD'ê ya Îzmîrê û xizmên girtiyên nexweş li Îzmirê jî bi heman armancê li navçeya Konakê daxuyanî dan çapemeniyê. Di çalakiyê de bal kişandin ser rewşa Şakîr Akurt ê li Girtîgeha Akhisar a Manîsayê. Rêveberê ÎHD'ê yê ÎZmirê Ali Aydin, anî ziman ku Akurt 50 salî ye û 26 salin girtî ye. Aydin, diyar kir ku Akurt ji ber rastî îşkenceyê hatiye fitiqa pişt û stu pêre çêbûye û di nava lîsteya girtiyên nexweş a ÎHD'ê de ye. Aydin xwest bi lez Akurt serbest bê berdan.