ENQERE - Meclîsa Jinan a HDP’ê, derbarê feskirina Peymana Stenbolê de, serî li Şûreya Dewletê da. 

 

Meclîsa Jinan a Partiya Demokratîk a Gelan (HDP), ji bo betelkirina biryara feskirina Peymana Stenbolê, serî li Şûreya Dewletê da. Berdevka Meclîsa Jinan a HDP’ê Ayşe Acar Başaran, berî serlêdanê li ber Şûreya Dewletê daxuyanî da çepemeniyê. Acar bal kişand ser biryara feskirina Peymana Stenbolê û wiha axivî: “Îro li dijî bêhiqûqiyê, ji bo ku em bibînin wê daraz helwestek çawan bigire li vê derê ne. Berdevkên desthilatdariyê ev saleke, destkeftiyên jinan kirine hedef. Yek ji van destkeftiyan jî, ya herî girîng Peymana Stenbolê ye.”

 

PAŞVE GAV AVÊTIN TUNEYE

 

Başaran, di dewama axaftina xwe de wiha got: “Serokê Giştî yê AKP’ê, di niva şevê de, bi darbeyê ji peymanê vekişiya. Peyman ne hewa desthilatdariyê ye ku bavêje jinan. Di encama hevşar a têkoşîna jinan de, mafekê ku hatiye qezenckirin. Em di wê baweriyê de ne ku hîna jî, hiqûqnasên baweriya wan bi hiqûqê tên hene. Lê ev têkoşîn, ne tenê têkoşîna hiqûqiye. Jin bi rojane li kolan û qadane. Em jî li Meclîsê têkoşîna vê yekê didin. Em ê tu carî gav ne avêjin.”

 

 Meclîsa Jinan piştî daxuyaniyê bi parêzerên partiyê re, derbasî avahiya Şûreya Dewletê bûn û serlêdan kir.