Li navçeya Pirsûsê ya Rihayê hinarên kemlilîn, ji bo tirşa hinarê tên berhevkirin. Hinarên şeveqê zû li nav baxçeyan dest bi berhevkirina wan tê kirin, piştî ked û tahbeke mezin dibin tirşa hinaran. Li gundê Mideba Mezin ê Pirsûsê Ayn Zelîha Bînîcî, hinarên ji nav baxçeyên xwe berhev dike, pêşî wan dibe malê, bi dû re wan dike du feql û di nav lepên xwe de wan bi kevçiyekî textik dikute û navikên wan derdixe. Bînîcî navikên hinaran rojekê dide sekinandin û bi dû re an dixe sîtilan û 2 rojan dikelîne. Piştî vê ava hinaran bera meterayan dide û û wekî tirşa hinarn difiroşe. 

 

JI 200 KÎLO HINARÎ 7 KÎLO TIRŞA HINARAN DERTÊ

 

Bînîcî, anî ziman ku rojê 200 kîlo hinar berhev dikin û ji 200 kîlo hinarî 7-8 kîlo tirşa hinaran dertê. Bînîcî, diyar kir ku bi kevçiyê textik li hinaran dixe û hebên wan derdixe û got: "Piştî em hebên wan bi vî awayî derdixin, em wan rojekê didin sekinandin. Paşê em wan dixin sîtilên mezin û dikelînin. Em 2 rojan dikelînin. Piştî baş tên kelandin em cardin wan disekinîn. Bi dû re em wan dixin metereyan û difiroşin." 

 

KÎLOYA WÊ BI 50 TL'YÎ YE

 

Bînîcî, diyar kir ku di çêkirina tirşa hinaran de jin pir tahbê dibînin û kîloya tirşa hinaran bi 50 TL'yş difiroşin. Bînîcî, destnîşan kir ku mifha tirşa hinaran pir heye û ji bo gelek nexweşînan baş e. Bînîcî, bilêv kir ku di salekê de nêzî 40 kîlo tirşa hinaran çêkidin û difiroşin.

 

Bînîcî, bilêv kir ku ji ber ku ji çêkirina tirşa hinaran hez dike vî karî dike û di dawiya axaftina xwe de ev tişt gotin: "Karê baxçe tune bûna, em ê aciz bûbûna. Em tirşa hinaran bi kêfxweşî çêdikin. Ji ber ku em li vir bi daran, bi axê, bi hinaran û bi çêkirina tirşa hinaran re mijûl dibin, em kêfxweş in." 

 

MA / Ferhat Çelîk - Mujdat Can