Roja ewil a Konferansa Jinan a HDP'ê bi dawî bû

  • jin
  • 20:46 21 Gulan 2022
  • |
img
ENQERE - Di roja ewil a Konferansa Jinan a Asayî ya 4'an a HDP'ê de geşedanên siyasî yên li Tirkiyeyê û Rojhilata Navîn û êrişên li ser HDP'ê û têkoşîna jinan hatin nîqaşkirin. 
 
Roja ewil a Konferansa Jinê ya Asayî ya 4'an a Partiya Demokratîk a Gelan (HDP) bi dawî bû. 
 
Konferans bi dirûşmeya “Em di azadiyê de bi israr in, di têkoşînê de bi biryar in" li Hêwana Konferansê ya Odeya Endezyarên Înşeatê ya Enqereyê tê lidarxistin. Hevseroka Giştî ya HDP'ê Pervîn Bûldan, Berdevka Meclîsa Jinan a HDP'ê Ayşe Acar Başaran, endamên Meclîsa Partiyê ya HDP'ê û Desteya Rêvebir a Navendî ya HDP'ê, parlementerên HDP'ê, endamên Meclîsa Jinan a HDP'ê, endamên Desteya Rêvebir a Rêvebiriyên Herêmî yên Demokratîk, Hevberdevka Kongreya Demokratîk a Gelan (HDK) Esengul Demîr, Hevseroka Giştî ya Partiya Herêmên Demokratîk (DBP) Salîha Aydenîz, Hevseroka Giştî ya Partiya Sosyalîst a Bindestan (ESP) Ozlem Gumuştaş, Berdevka Platforma Piştevaniyê ya Sosyalîst (SODAP) Sevtap Akdag Karahali, Berdevka Partiya Kesk a Çep Ayşe Erdem, Seroka Giştî ya Partiya Şoreşger Elîf Torûn Oneren, Hevseroka Giştî ya Partiya Jinûve Damezrandinê ya Sosyalîst (SYKP) Canan Yuce, aktivîstên Tevgera Jinên Azad (TJA), endamên Înîsyatîfa Meclîsa Dayikên Aştiyê jî di nav de bi giştî 300 delege tevli konferansê bûn. 
 
Piştî axaftina destpêkê konferans bi awayekî ji çapemeniyê re girtî dewam kir. Di roja ewil a konferansê de geşedanên siyasî yên li Rojhilata Navîn û Tirkiyeyê û êrişên li ser têkoşîna jinan hatin nîqaşkirin. 
 
Konferans dê sibê bidome û dê encamên konferansên li herêman hatine lidarxistin, xebatên rêxistinbûyînê û pêşniyarên ji bo têkoşînê bên nîqaşkirin.
 
Konferans dê sibê saet di 10'ê sibehê de li Odeya Endezyarên Înşeatê ya Enqereyê bidome.