Komeleya Hiqûqnasên Hemdem (ÇHD), Komeleya Hiqûqnasên ji bo Azadiyê (OHD), Şaxên Komeleya Mafên Mirovan (ÎHD) ên Îzmîrê, Hiqûqnasên ji bo Edaletê û Koma Parêzerên Hemdem, têkildarî Parlamenterê Partiya Karkeran a Tirkiyeyê (TÎP) ê Hatayê Can Atalay, li pêşiya Edliyeya Îzmîrê daxyanî dan. Di daxuyaniyê de dirûşm hatin berzkirin û pankarta “Ji bo Atalay azadî” hate vekirin. 

 

Li ser navê komê endamê Koma Hiqûqnasên ji bo Edaletê parêzer Aytekîn Aktaş axivî û got ku nayê qebûlkirin ku Atalay neyê berdan.  Aytekîn, bi bîr xist ku parlamenteriya Atalay di Rojnameya Fermî de jî hatiye weşandin û wiha got: “Îktîdara siyasî bi awayekî eşkere îradeya gel xesp dike. Di halê hazir de Can Atalay weke parlamenter hate hilbijartin û ji bo ku vîna hilbijêrên xwe li parlamentoyê temsîl bike, tev li xebatên qanûndanînê bibe û tev li xebatan bibe divê tavilê were berdan.”

 

Serokê Baroya Îzmîrê Sefa Yilmaz, li ser navê ÇHD’ê parêzer Alî Ekîz û li ser navê OHD’ê jî parêzer Îmdaş Ataş axivîn û bertek nîşanî neberdana Atalay dan. Di axaftinan de bang li îktîdarê hat kirin ku tavilê Atalay berde û peyamên domandina têkoşînê hatin dayîn.