NAVENDA NÛÇEYAN - Komîteya Wezîran a Ewropayê xwest ku Hevserokên HDP’ê yên berê Fîgen Yuksekdag û Selahattîn Demîrtaş tavilê bên berdan. 

 

Dadgeha Mafên Mirovan a Ewropayê (DMME) ji bo darizandina Hevserokên Partiya Demokratîk a Gelan (HDP) yên berê ku niha girtî ne Fîgen Yuksekdag û Selahattîn Demîrtaş de biryara “binpêkirinê” dabû. Tevî biryara DMME’yê jî heta niha Dadgeha Destûra Bingehîn (AYM) têkildarî Yuksekdag û Demîrtaş tu biryar nedane. Komîteya Wezîran a Ewropayê jî bertek nîşanî nedayîna biryarê da û xwest ku Yuksekdag û Demîrtaş tavilê werin berdan. 

 

Parêzerê Demîrtaş, Mahsûnî Karaman têkildarî biryara komîteyê li ser hesaba xwe ya twîtterê peyamek parve kir. Karaman, berteka komîteyê vego û da zanîn ku heke Demîrtaş û Yuksekdag heta rûniştina meha îlonê neyên berdan, dê komîte gavên cuda binirxîne.