SILÊMANÎ - Şandeya HDP’ê serdana Hevserokê YNK’ê Bafil Talabanî kir û li gel wî civiya. Hat zanîn ku di civînê de girîngiya yekîtya neteweyî ya kurdan jî hatiye axaftin. 

 

Şandeya Partiya Demokratîk a Gelan (HDP) bi serokatiya Cîgira Seroka Koma HDP’ê Meral Daniş Beştaş û Parlamenterê HDP’ê yê Dîlokê Mahmut Togrul, li Başûrê Kurdistanê ye.

 

Şande duh li Silêmaniyê serdana Tevgera Goran û Cîgirê Hevserokê Hikumeta Herêma Kurdistanê Qubat Talabanî kiribû.

 

Şandeya HDP’ê îro serdana Hevserokê Yekîtiya Nîştimana Kurdistanê (YNK) Bafil Talabanî kir û li gel wî civiya. 

 

Li gorî agahiyên hatine bidestxistin; di civîna her du aliyan de behsa rewşa Iraq, rewşa siyasî ya Herêma Kurdistan û Iraqê û hilbijartinên pêşwext yên Iraqê hatine kirin.

 

Li gor agahiyan YNK'ê di civînê de bal kişandiye ser girîngiya yekîtiya neteweyî ya kurdan û hevsengiya zêdetir ya navbera aliyên siyasî yên Kurdistanê de.