Berdevka DEM Partiyê Ayşegul Dogan anî ziman ku amedakariyan dikin ku di demeke kurt de biçin Îmraliyê û dibe ku Abdullah Ocalan bi partiyên siyasî yên din re jî hevdîtinê bike.
Endamên MYK'ê yên DEM Partiyê ji bo pêvajoya nû nîqaş bikin û nexşerêya ku dê di dema pêş de bê şopandin diyar bikin hatin cem hev.
Alîkara Serokê Giştî yê EMEP'ê Selma Gurkan diyar kir ku banga Abdullah Ocalan û biryara ji aliyê PKK'ê ve hatiye girtin girîng e û got, "Biryara ku PKK'ê daye, argûmanên di dest û zimanê hikûmetê de ji holê rakiriye. Ji ber vê yekê ti hinceteke hikûmetê nemaye."
DEM Partî û MHP di serdanên navendên partiyan de cejna hev pîroz kirin. Di serdanên ku peyamên 'aştiyê' yên hevpar hatin dayîn de, hat gotin ku cihê çareseriyê meclis e.
DEM Partî ji bo vegotina pêvajoya nû dê 1950 civînên gel û 'Şahiyên Demokrasiyê' û hevdîtinan pêk bîne.
DBP'ê ji bo kesên ku di komkujiya 5'ê Hezîrana 2015'an de li Qada Îstasyonê jiyana xwe ji dest dane daxuyaniyek da û got, "Em ê teqez aştî, edalet û wekheviyê bînin vê axê."
Serokê Giştî yê MHP'ê Devlet Bahçelî di peyama xwe ya Cejna Qurbanê de li ser pêvajoyê got, 'rêyeke wan a din nîne' û banga xwedîderketina li pêvajoyê kir.
Hevseroka DEM Partiyê Tulay Hatimogullari diyar kir ku divê di zûtirîn demê de li meclisê komîsyonek bê avakirin û der barê nîqaşên destûra bingehîn a nû de jî wiha got: "Divê em ji nêzîkatiyên giştî dûr bikevin û rêyeke zelal ku her kesî di nava pêvajoyê de vedihewîne biafirînin."
Endama Lijneya Berdevkên TOP'ê Juliana Gozen diyar kir ku ev pêvajo wekî bendeke nû ya têkoşînê û zemîneke bilindbûna hevgirtinê nîşan dide û divê sosyalîst bibin kirdeyên vê pêvajoyê.
Li gel bertekên muxalefetê 10'emîn Pakêta Darazê ya ku di komîsyonê re derbas bû dê sibê di Lijneya Giştî ya Meclisê de bê nîqaşkirin.
Partiya Şoreşger a Yekbûyî, biryarên di kongreya 12'emîn a PKK'ê de hatin wergirtin nirxand û bal kişand ser girîngiya têkoşîna hevpar û got, "Em li daxwazên azadî û demokrasiyê yên gelê Kurd xwedî derdikevin."
Cîgirê Midûrê Giştî yê Girtîgehan a Wezareta Dadê Fatîh Gungor tev li komîsyona ku sererastkirinên înfazê tê nîqaşkirin bû û ji bo pirsa DEM Partiyiyan a têkildarî hejmara zarokên girtîgehê de got: “4 hezar û 291 zarok di girtîgehan de ne.”
Orhan Kircali yê AKP’î xala ku pêşiya tehliyebûna girtiyên “muebbeta girankirî” digire bi îdiaya “Li dijî civakê xetere ne” parast. Dema DEM Partiyiyan mînak jê xwestin jî xwe bi gotina “îxtîmalek niha hene” parast.
DEM Partiyê ji bo sererastkirina di dema Covîd-19’ê de ketibû meriyetê di 10’emîn Pakêta Darazê de cih bigire pêşnûme da Meclisê û pêşnûme bi dengên AKP û MHP’ê hate redkirin.
DEM Partiyê der barê 10'emîn Pakêta Darazê de daxuyaniyek da û diyar kir ku pakêt bendewariyên gel nayne cih û dê ji bo sererastkirina wê pêşniyaran pêşkêş bikin.