ENQERE – Rojnameger, partiyên siyasî û tevgerên ji Amerîkaya Latîn û Efrîqayê têkildarî êrişên dewleta tirk ên li dijî Bakur û Rojhilatê Sûriyeyê daxuyanî dan. Di daxuyaniyê de êriş hatin şermezarkirin û wiha hat gotin: “Divê em li dijî êrişên qirkirinê bikevin nava liv û tevgerê.”
Rojnameger, partiyên siyasî û tevgerên çepgir ên ji welatên Arjantîn, Şîlî, Kolombiya, Meksîka, Kosta Rîka, El Salvador, Venezuella, Haîtî û Kenyayê, têkildarî êrişên dewleta tirk ên li dijî Bakur û Rojhilatê Sûriyeyê daxuyaniyeke hevpar dan û êriş şermezar kirin. Daxuyaniya hevpar ji hêla 27 partî, tevger û rojnamegeran ve hat îmzekirin û wiha hat gotin: “Em nikarin destûra qirkirinê bidin. Divê em bikevin nava liv û tevgerê.”
NIRXÊN NAVNETEWEYÎ HATIN BINPÊKIRIN
Di daxuyaniyê de wiha hat gotin: “Em careke din dibin şahidê hovîtî û faşîzma li gelê kurd tê kirin. Bombebarankirina Rojava ya ji hêla hêzên emperyalîst ve nîşanî me da ku berevajî gotinên fermî; rêz ji mafên mirovan û mafê tayînkirina qedera xwe ya gelên xizan re nayê nîşandan, di dinyayeke azad de najîn, rêz ji mafê wan ê jiyanê re nayê girtin û nîşan da ku em li cîhaneke ku qirkirin, şer û mêtingerî lê zêde de dijîn. Tirkiye tenê bi bombebarankirina gelê kurd re bisînor nema, her wiha hemû nirxên navneteweyî yên ji hêla hiqûqa mirovî ya navneteweyî ve hatine destnîşankirin binpê kir û çekên kîmyewî bi kar anîn. Beşeke civaka navneteweyî di bin hukmê hêzên emperyalîst de ye û beşek jî ji ber qelsiya xwe ya bîrdozî û siyasî li gorî berjewendiyên van hêzan tevdigerin û di nava bêdengiyeke kambax de ne.
ÊRIŞA LI DIJÎ ÇAPEMENIYA AZAD
Di piştperdeya vî şerê qirkirinê ya li dijî gelê kurd û çapemeniya kurd de mebesta tunekirina têkoşîna rewa ya gelê kurd ê wêrek û demokratîk, krîmînalîzekirina doza wan û bêdengkirina çapemeniya azad e. Em dixwazin ku dawî li van êrişan bê anîn, girtiyên siyasî bê şert bên berdan û rê li ber gelê kurd were vekirin ku jiyana xwe ya azad ava bike.
BANGA KETINA NAVA TEVGERÊ
Weke her carê, di vî şerî de herî zêde jin, zarok û kal dibin qurbanî û heta niha bi hezaran kesan jiyana xwe ji dest dane. Banga me ji bo hemû hêzên demokratîk, partî, gel, şoreşger û tevgerên civakî ew e ku xwedî li mafê avakirina pêşeroja xwe ya azad a gelê kurd derkevin. Banga me ji bo hemû hêzên demokrasiyê ew e ku li dijî van êrişên nû yên bêrehm û êrişkariyê derkevin û şermezar bikin. Em nikarin destûrê bidin ku qirkirin bidome û divê em bikevin nava liv û tevgerê. Bijî mafê azadî, jiyan, serxwebûn, serwerî û mafê xwe birêvebirinê yê gelê kurd. Kurdistan dê bi ser keve.”
KESÊN DAXUYANÎ ÎMZE KIRIN
Kes, rêxistin û partiyên ku daxuyanî îmze kirin ev in:
“Arjantîn Partido Revolucionario de los Trabajadores (PRT)
Arjantîn, Radio Nacional
Arjantîn, Ricardo Rubén Zarra Orán, Cantautor, Salta
Arjantîn, Organización Libres del Pueblo (OLP) Resistir y Luchar
Şîlî, Cristián Silva, Radio El Pueblo de Colina
Şîlî, Comisión de Derechos Humanos de Quilpué
Şîlî, Cabildo desde los Derechos Humanos, Quilpué
Şîlî, Agrupación de Familiares de Ejecutados Políticos y Detenidos Desaparecidos, Valparaíso
Şîlî, Cordón Asambleas Territoriales en Lucha del Marga-Marga,
Şîlî, Radio de Villa Alemana, Limache
Şîlî, Radio Cordón Marga-Marga,
Şîlî, Colectivo 31 de Julio, Valparaíso
Şîlî, América Rebelde
Şîlî, IPNews Agency y RPI
Kolombiya, J. Manuel Arango C. de CLARIN de Colombia
Kolombiya, William Fortich Palencia, Red de Comunicación y Cultura, Bagota; Boletín Fogoncito Creativo
Kosta Rîka, Martín Rodriguez Espinoza, Partido Vanguardia Popular
Ekvador, Movimiento Guevarista Tierra y Libertad, MGTL
EE.UU, Manuel Loli, IPNews Agency
El Salvador, Centroamérica Ada Membreño del Partido Socialista Centroamericano, PSOCA
El Salvador, Centroamérica, Rael Oshun, El Socialista Centroamericano (Diario)
El Salvador, Centroamérica, Nelson Araya, Radio Farabundo Martí
Haîtî, Jean Clebert Elouis, Mundo Haití
Kenya, Partido Comunista de Kenia
Meksîka, Frente Nacional de Lucha por el Socialismo, FNLS
Puelmapu, Juana Antieco, Lof Mapuche Tehuelche Newentuaiñ Inchiñ Costa de Lepa Chubut
Venezuela, Lila Ferrer integrante de Chavismo Sur y la Federación Internacional de Escritores por la Libertad, FIEL”