Parlamenterê Meclîsa Federal a Partiya Çep a Almanya Andrej Hûnko, diyar kir ku Enqere Interpolê ji bo bêdengkirina mûxalîfan, xirab bi kar tîne û got: “Madeya 3’yemîn a sereke ya Interpolê tê îhlalkirin.”
Piştî Serokê DAÎŞ'ê El Bexdadî hat kuştin, Serokê AKP'ê Erdogan di 5'ê mijdarê de got “Yemek car aşkere dikim" girtina Hevjîna Bagdadî îlan kir. Lê derket holê ku hevjîna Bexdadî di sala 2018'an de li Hatayê hatibû girtin. Ajansa Nûiçeyan a Alman dpa, aşkere kir ku Hevjîna Bexdadî Esma el Kubeysî sala par ligel 10 kesan li Hatayê hatiye girtin.
Saziya Sivîl a Campax ku li Swîsre xebatan dike, di çarçoveya kampanya ku ji bo Hikûmeta Federal a Swîsreyê hinardeya çekan a Tirkiyeyê bide rawestandin dabû destpêkirin de îmzeyên ku berhev kiribûn, pêşkêş kir.
CENTOM'ê ragihand ku komên Tirkiye piştgiriya wan dike li Bakur û Rojhilatê Sûriyeyê êrîşê konvaya leşkerên wan kirine. Di daxuyaniyê de hat ragihandin ku windabûneke mal û can çênebûye.
Wezîrê Karê Derve yê Rûsyayê Sergey Lavrov, ji bo mutabakata Soçî got: “Mijara pêşeroja kurdên li Sûriyeyê, li şûna ku di nava çalakiyên leşkerî de bêaxaftin, ji bo ku ev mijar dinava aramiyê de bê lihevkirin, me şert û merc ava kirin.”
Îsraîl, ragihand ku dê îro hemû nûnertiyên wê yên li seranserê Cîhanê girtîbin û xizmet nedin.
Seroka Meclîsa Nûneran ê ji Partiya Demokrat Nancy Pelosî li ser “Qirkirina Ermenan” a li Meclîsa Nûneran a DYA’yê hat pejirandin axivî û bal kişand ser êrîşên Tirkiyê yên li dijî Rojava û got: “Êrîşên dawî yên artêşa Tirk a li dijî gelê kurd di dema me de talûkeyek bibîr dixe.”
Dîroknas Prof. Benny Morris, diyar kir ku ji ber Ewropa ditirse Tirkiye bersîv bide, naxwaze komkujiya ku Tirkiye li Bakur û Rojhilatê Sûriyeyê pêk anîye bibîne.
Partiyên siyasî yên Parlamentoya Danîmarkayê, li hev kirin ku ji ber êrîşên wê yên li dijî Bakur û Rojhilatê Sûriyeyê, firotina çek û amûrên leşkerî ya ji bo Tirkiyeyê bê rawestandin.
Koavara Der Spîegelê ya Almanyayê nûçeya mirina Lîderê DAIŞ'ê Ebûbekir Bagdadî bi wêneyê Erdogan ji Cîhanê re ragihand
Wezareta Parastinê ya Rûsyayê, daxuyand ku Amerîka li herêma Dêra Zorê petrolê derdixe.
Serokê Amerîkayê Donald Trûmp li ser hesabê xwe yê medya civakî Tirkiyeyê hişyar kir û ev tişt gotin: "Tirkiye, bi tevahî têdigihîje ku divê êrîşê kurdan ku vedikişin neke. Di rewşeke binpêkirinê de hewce nake ku ez bibêjim ez ê danekirinên berfireh deynim ser Tirkiyeyê."
Wezîrê Parastinê yê Rûsyayê Sergey Lavrov, diyar kir ku lihevkirina Soçiyê ya di navbera Rûsya û Tirkiyeyê de hêzên kurd jî di nav de mafê herkesî mîsoger dike.
Berdevkê Kremlînê Dmîtriy Peskov, diyar kir ku piştî lihevkirina Soçiyê hêzên kurd dest bi vekişîna ji sînor kirine, lê hin pirsgirêk derketine û ev tişt got: "Hevdîtinên bi nûnerên kurdan re didomin."
Nûnerê Daîmî yê Neteweyên Yekbûyî yê Sûriyeyê Beşar Caferî, di rûniştina KENY'yê ya bi mijarê Sûriyeyê de diyar kir ku hincetên Tirkiyeyê yên ji bô êrîşa li dijî Bakur û Rojhilatê Sûriyeyê derew in û ev tişt got: "Êrîşkariya Tirkiyeyê bû sedema dagirkirina Sûriyeyê, mirin û birîndariya bi sedan sûriyeyiyan û koçberbûna girseyan."