AMED - GOÇ-DER’ê diyar kir ku banga Abdullah Ocalan ji bo kesên neçar man xaka xwe biterikînin bûye hêvî û xwest ji bo vegera welatiyan gav bên avêtin.
Komeleya Lêkolîn û Çavdêriya Koçê ya Mezopotamyayê (GOÇ-DER) têkildarî banga “Aştî û Civaka Demokratîk” a Rêberê Gelê Kurd Abdullah Ocalan li avahiya xwe daxuyanî da. Kurdiya daxuyaniyê ji hêla Mûrat Sari û ya bi Tirkî jî Mediye Alkan xwend.
Daxuyanî wiha ye:
Di 27’ê Sibata 2025’an de daxuyaniya ku ji aliyê rêzdar Abdullah Ocalan ve hate kirin, destnîşan dike ku bi avakirina siyaseta demokratîk û aştiyê re gihîştine qonaxeke dîrokî. Her wiha daxuyaniya rêzdar Abdullah Ocalan, hemû xalên ku hatine behskirin, ji bo bidawîkirina pevçûnên dehan salan û di çarçoveya aştiyê de teşedayîn û avakirina pêvajoya hevpar a gelan de bangewaziyeke dîrokî ye. Ji bo pêdiviyên vê bangewaziya ku ji aliyê rêzdar Abdullah Ocalan ve hatiye kirin bi cih werin û derbasî meriyetê bibe, ji bo riya çareseriya aştiyane xurt bibe hewceye şert û merc werin avakirin. Di vê çarçoveye de ji bo rêzdar Abdullah Ocalan rista xwe ya çareseriya di zemîna demokrasi û aştiyê de pêk bîne hewce ye pêdivî bi cih werin. Di vê pêvajoya ku bi bangewaziya wî de dest pê kiriye de dikaribe wekî aktorekî çalak cih bigire pêwîst e pêşiya wî were vekirin. Em wekî Platforma Koçê vê hewldan, ked û fedakariya muxataban a ku ji bo pêvajo di nav nirxên hiqûqî bi awayekî zelal pêk werin girîng dibînin. Ji bo bersivbûna bangewaziyeke wisa ya dîrokî hewce ye zemînek were avakirin û ji bo demokratîkbûnê guhertinên hiqûqî werin kirin.
Ev daxuyanî bêguman ji bo sed hezaran mirovan ku pêvajoyên pêvçûnê de bi zorê hatine koçkirin û di wan hemê pêvajoyên êş de mecbûr mane axa xwe biterikîn re bûye şewqa heviyê. Yek jî merhaleyên avakirina pêvajoya aştî û demokrasiyê jî bêguman bi vê bangawaziyê ku rêzdar Abdullah Ocalan despêkiri ye riya vegara gelê Kurd ku bi axa xwe re bi têkiliyên xurt girêdayi ye were vekirin. Di vî aliyê de hewceye ku gavên lezgîn bên avêtin. Em wek GOÇ-DER’ê daxwaz dikin ku vê pêvajoya dîrokî de ji bo avakirina siyaseta demokratîk û aştiyê wekî hewcedariya pêk anîna mafê mirovan gavên têkildarî pêvajoya werin avêtin. Hewcedariyên siyaseta demokratîk û huquqî werin bi cîh anîn. Ji bo avakirina aştiyê û pêşeroje kî hevpar her wiha ji bo demoqratîk bûna tirkiyê û pêvajoya aştiyê neyasteng kirin. Em bang hemû raya giştî û rayadaran dikin ku guh bidin wî bangawazî.”
Daxuyanî, bi çepikan bi dawî bû.