Ji ber baranên musonê ku ji meha Hezîranê heta niha didomin, li Pakistanê zêdetirî 900 kesan jiyana xwe ji dest dan. Baran, li herêmên rojhilat ên welat hêj didomin û heta niha zêdetirî 2 milyon kes ji eyaleta Pencapê hatine tehliyekirin. Ji ber barînên di demên dawî de, nêzî 150 hezar kes hatin tehliyekirin. Şefê Rêveberiya Karesatan a Pakistanê Inam Haider Malik, da zanîn ku li eyaleta Sindhê 150 hezar kes hatine tehliyekirin û ev hejmar dibe ku di rojên pêş de zêde bibe. 

 

Hat diyarkirin ku li Hindistanê jî ji ber lehiyan herî kêm 30 kesan jiyana xwe ji dest dan û zêdetirî 354 hezar kes ji lehiyan bibandor bûn. 

 

Pêla dawî ya lehiyan didome û rayedarên Pakistanî vê hefteyê rewşa lezgîn a avhewayê ragihandin. Serokwezîr Shehbaz Sharif jî ferman da rayedaran ku planeke ji bo 300 rojan amade bikin. 

 

Li gorî nûçeya ABC'ê; NY’ê vê hefteyê ji bo piştevaniya bi Pakistanê re dê 5 milyon dolaran tehsîs bike û DYA jî di serdema duyemîn a Donald Trump de cara ewil dê ji bo alîkariyeke wiha fonê veqetîne û personelên mudaxilekirina karesatê peywirdar bike. 

 

Di sala 2022’yan de jî li Pakistanê ji ber barînan, zêdetirî hezar û 700 kesan jiyana xwe ji dest dabûn û bandor li zêdetirî jiyana 30 milyon kesan kiribû.