Tax û mezrayên girêdayî navçeyên Licê, Hênê, Karaz, Farqîn, Pasûr û Hezro yên Amedê sala 2018’an bi qedexeyên derketina derve derbas kirin. Bi piranî li Licê li 6 navçeyan hezar û 58 tax û mezrayan qedexeya derketina derve hat îlankirin. Qedexeyan carna rojek, carna 3 roj û carna hefteyek jî dewam kir. Bi qedexeya derketina derve li herêmên dihatin qedexekirin operasyona eskerî jî pêk dihat. Her dem bejahiya herêmê bi Maşîneya Hewa ya Bêmirov a Biçek (SÎHA) û Maşîneya Hewa ya Bêmirov (ÎHA) dihat çavdêrkirin. Yekîneyên eskerî herêman dorpêç dikirin û têketin û derketin tax û mezrayan qedexe kirin. Hemû rêyan li welatiyan digirtin û nokteyên lêgerînê danîn. Tevahiya salê li van herêmên qedexekirî eskeran bi ser malan de girt û lêgerîn pêk dianîn. Ser welatiyan lêgerîn dikirin û nasnameyên wan kontrol dikirin. 

 

SEWAL BIRÇÎ MAN 

 

Çêrandina sewalan li şivanan û welatiyan hat qedexekirin û welatî nikaribûn sewalên xwe berdana çolê. Neçar diman di axûran û hewşan de xwedî dikirin. Carna sewal li malê birçî jî diman. 

 

DI HER QEDEXEYÊ DE GUNDÊN LICÊ HEBÛN 

 

Li herêmên çolter ên Licê ji demsala biharê vir ve hema bêje her hefte qedexeya derketina derve hat îlankirin. Operasyonê di serî li gundên Xeraba û Çemê Elîka di serî de li tevahiya çar aliyê navçeyê zêde dibûn. Eskeran bi ser malan de digirt û heqaret li welatiyan kirin. Welatî li gundên xwe bi polîtîkayên sîxûrtiyê re jî rû bi rû man. Welatiyan ji ber pêkanînên ewlehiyê û zextan neçar man ji herêma xwe koç bikin. 

 

GUNDIYAN BI ALÊ TEHDÎT KIRIN 

 

Li 65 tax û mezrayên girêdayî navçeyên Licê û Hênê di 4’ê cotmehê de qedexeya drketina kolanan hatibû îlankirin û hefteyek dewam kiribû. Eskeran hemû pêkanîn xerab li ser welatiyan anîbûn û zextên giran li wan kiribûn. Li gund ala Tirk hat daliqandin û bi gotinên “Kî alê daxîne em ê li wan bidin” tehdît kirin. Li gel tehdîtan şêniyên gund bi heqaretan re hevrû man. 

 

CEZAYÊ CERYANÊ BIRÎN 

 

Rayedarên Şirketa Anonîm a Belavkirina Ceryana Dîcleyê (DEDAŞ) di qedexeyan de bi esekeran re diçûn gundan û bi îdiaya “ceryana qaçax” bikar anîne di navbera 500 TL û 10 hezar TL’yî de cezayên pereyan birîn. Li sedan malan bi hezaran milyon TL birîn. Hema bêje li herêmê malên ku cezayê pereyan ê ceryanê ji wan re nehatiye birîn nînin. 

 

ESKERAN DEST DANÎ SER ZEXÎREYÊN GUNDIYAN 

 

Di qedexeyan de pêkanînên ecêb jî derketin holê. Di serdema payîzê de welatiyên li gundan di warê zexîreyan de amadekariyên xwe dikirin jî rastî zextan dihatin û eskeran dest danî ser zexîreyên wan. 

 

QEDEXEYA DERKETINA DERVE 

 

Walîtiya Amedê xwe spart Hêjmara 5442'an a Zagona Îdareya Bajaran û di nava salêde li van gund, gundik û navçeyan qedexe îlan kir: 

 

* Li 52 mezra û 17 gundên navçeyên Lice û Pasûrê di 9'ê Çile de qedexe îlan kir û di 10'ê Çile de qedexe rakir. 

* Li 60 tax û gundên navçeyên Lice, Hênê, Karaz û Hezroyê di 6'ê Sibatê de qedexe îlan kir û di 7'ê Sibatê de qedexe rakir. 

* Li 178 gundik, gund û taxên navçeyên Pasûr, Farqîn, Hezro û Licê di 14'ê Sibatê de qedexe îlan kir û di 15'e Sibatê de qedexe rakir. 

* Li 114 gundik, gund û taxên navçeyên Licê, Hênê û Karazê di 2'ê Adarê de qedexe îlan kir û di 3'ê Adarê de qedexe rakir. 

* Li 37 gundik, gund û taxên navçeyên Licê û Hênê di 27'ê Adarê de qedexe îlan kir û di 29'ê Adarê de qedexe rakir. 

* Li 69 gundik, gund û taxên navçeyên Licê û Pasûrê di 25'ê Nîsanê de qed8exe îlan kir û di 27'ê Nîsanê de qedexe rakir. 

* Li 42 mezra û 23 gund û taxên navçeyen Licê û Hênê di 24'ê Gulanê de qedexe îlan kir û di 26'ê Gulane de qedexe rakir. 

* Li 7 gund û taxên navçeyên Pasûrê di 25'ê Tîrmehê de qedexe îlan kir û di 26'ê Tîrmehê de qedexe rakir. 

* Li 9 gund û taxên navçeyên Licê û Hênê di 2'ê Tebaxê de qedexe îlan kir û di 3'ê tebaxê de qedexe rakir. 

* Li 6 gund û taxên navçeyên Licê û Hezroyê di serê sibeha 3'ê Îlonê de qedexe îlan kir û di heman rojê saet di 18.00’ê êvarî de rakir. 

* Li 22 gundik û 15 tax û gundên navçeyên Licê û Hênê di 3'ê Îlonê de qedexe îlan kir û di 4'ê Îlonê de qedexe rakir. 

* Li 116 gundik, gund û taxên navçeyên Licê, Pasûr, Farqîn, Hezro û Karazê di 12'ê ÎLonê de qedexe îlan kir û di 13'ê îlonê de qedexe rakir. 

* Li 65 gundik, gund û tawxên navçeyên Licê u Hênê di 4'ê Cotmehê de qedexe îlan kirin û di 10'ê Cotmehê de qedexe rakir. 

* Li 77 gundik, gund û taxên navçeyên Licê, Karaz û Hezroyê di 29'ê Cotmehê de qedexe îlan kir û di 31'ê Cotmehê de qedexe rakir. 

* Li 54 mezra û 19 gund û taxên navçeyên Liceyê di 7'ê Mijdarê de qedexe îlan kir û di 9'ê mijdarê de qedexe rakir. 

* Li 11 gund û taxên navçeya Licê di 26'ê mijdarê de qedexe îlan kirin û di 27'ê mijdarê de qedexe rakirin. 

* Li 37 gundik, gund û taxên navçeyên Licê û Hênê di 2'ê Kanûnê de qedexe kîlan kirin û di 3'ê Kanûnê de qedexe rakirin. 

* Li 21 gund û taxên navçeyên  Licê, Pasûr û Farqînê di 13'ê Kanûnê de qedexe îlan kirin û di 14'ê Kanûnê de qedexe rakirin. 

* Li 7 gund û taxên navçeya Licê di 23'ê Kanûnê de qedexe îlan kirin. Qedexe didome. 

 

MA / Mehmet Şah Oruç